കോണ്ഗ്രസ് വയനാട് ഉപതിരഞ്ഞെടുപ്പ് സ്ഥാനാര്ത്ഥി പ്രിയങ്ക ഗാന്ധി 23ന് നാമനിര്ദേശ പത്രിക സമര്പ്പിക്കും. മുന് എംപിയും ലോക്സഭാ പ്രതിപക്ഷ നേതാവ് രാഹുല് ഗാന്ധിയും പ്രിയങ്കയ്ക്കൊപ്പമുണ്ടാകും.
തുടര്ന്ന് വയനാട്ടില് റോഡ് ഷോയുമുണ്ടായിരിക്കും. ഏഴ് ദിവസം വയനാട്ടില് പ്രിയങ്കയുടെ പര്യടനമുണ്ടായിരിക്കുമെന്ന് കോൺഗ്രസ് വൃത്തങ്ങൾ അറിയിച്ചു. യു.ഡി.എഫ് നേതൃയോഗത്തില് പ്രാഥമിക പ്ലാന് തയാറായിട്ടുണ്ട്. എല്ലാ പഞ്ചായത്തുകളിലും അയൽക്കൂട്ട യോഗങ്ങൾ സംഘടിപ്പിക്കും. അടുത്ത മാസം 13നാണ് ഉപ തെരഞ്ഞെടുപ്പ് നടക്കുന്നത്.
എല്ലാ പഞ്ചായത്തുകളിലും യോഗങ്ങള് നടത്തും. യുഡിഎഫ് നേതൃയോഗത്തില് പ്രാഥമിക പ്ലാന് തയാറായിട്ടുണ്ട്. അതേസമയം പാലക്കാട് സ്ഥാനാര്ത്ഥി രാഹുല് മാങ്കൂട്ടത്തിലും ചേലക്കരയില് രമ്യ ഹരിദാസും പ്രചരണങ്ങള് ആരംഭിച്ചു.