കഥകളി ആചാര്യനും കീഴ്പടം കുമാരൻ നായരുടെ ശിഷ്യനുമായ സദനം നരിപ്പറ്റ നാരായണൻ നമ്ബൂതിരി (77) അന്തരിച്ചു.
ഇന്ന് പുലർച്ചെ 2.30-ഓടെ പെരിന്തല്മണ്ണ സ്വകാര്യ ആശുപത്രിയില് ആയിരുന്നു അന്ത്യം.
നാലുദിവസമായി ആശുപതിയില് ചികിത്സയിലായിരുന്നു. പാലക്കാട് ചെർപ്പുളശ്ശേരി കാറല്മണ്ണ സ്വദേശിയാണ്. സംസ്കാരം ഇന്ന് വൈകീട്ട് 4-ന് കാറല്മണ്ണ നരിക്കാട്ടിരി മന വളപ്പില് നടക്കും.
മുൻഷി എന്ന ഹ്രസ്വ ആക്ഷേപഹാസ്യ പരിപാടിയിൽ ചാനലിൽ തിളങ്ങിയ നരിപ്പറ്റ കഴിഞ്ഞ നാല് വർഷമായി മുൻഷിയായി വേഷമിട്ടിരുന്നു. കാട്ടാളൻ, ഹംസം, ബ്രാഹ്മണൻ തുടങ്ങിയ പ്രധാനപ്പെട്ട വേഷങ്ങളില് കേരളത്തിലെ അറിയപ്പെടുന്ന കഥകളി നടനാണ്. കലാമണ്ഡലം ഫെല്ലോഷിപ്പ് ഉള്പ്പെടെ ഒട്ടേറെ അംഗീകാരങ്ങള് നേടിയിട്ടുണ്ട്.