കേരള വനിതാ കമ്മീഷന് സംഘടിപ്പിക്കുന്ന തിരുവനന്തപുരം ജില്ലാതല അദാലത്തിന്റെ ആദ്യദിനം 40 കേസുകള് പരിഹരിച്ചു. ആകെ പരിഗണനയ്ക്ക് വന്ന 200 കേസുകളില് ഒന്പതെണ്ണത്തില് റിപ്പോര്ട്ട് തേടി. മൂന്ന് കേസുകള് കൗണ്സിലിംഗിന് അയച്ചു. 148 കേസുകള് അടുത്ത അദാലത്തിലേക്ക് മാറ്റിവച്ചു. തിരുവനന്തപുരം നഗരത്തില്നിന്നുള്ള പരാതികളാണ് ഇന്ന് വനിതാ കമ്മീഷന് പരിഗണിച്ചത്. നഗരത്തിന് പുറത്തുനിന്നുള്ളവരുടെ പരാതികള് രണ്ടാംദിനമായ നാളെ പരിഗണിക്കും.തിരുവനന്തപുരം ജവഹര് ബാലഭവനില് നടന്ന ആദ്യദിന അദാലത്തിന് വനിതാ കമ്മീഷന് അധ്യക്ഷ അഡ്വ: പി. സതീദേവി, അംഗങ്ങളായ അഡ്വ: ഇന്ദിരാ രവീന്ദ്രന്, വി.ആര്. മഹിളാമണി, അഡ്വ: കുഞ്ഞായിഷ എന്നിവര് നേതൃത്വം നല്കി. വനിതാ കമ്മീഷന് ഡയറക്ടര് ഷാജി സുഗുണന് ഐ.പി.എസ്, സിഐ ജോസ് കുര്യന്, എസ്ഐ മിനുമോള്, അഭിഭാഷകരായ അഡ്വ: കാവ്യ പ്രകാശ്, അഡ്വ: രജിതാ റാണി, അഡ്വ: സൗമ്യ, അഡ്വ: അശ്വതി, കൗണ്സിലര് സോണിയ എന്നിവരും അദാലത്തില് പരാതികള് കേട്ടു.