ഇടുക്കി ഐ ടി ഡി പിയുടെ പരിധിയിലുള്ള പൈനാവ് ഏകലവ്യ മോഡല് റെസിഡന്ഷ്യല് സ്കൂള്, വിവിധ പ്രീമെട്രിക് ഹോസ്റ്റലുകള് എന്നിവിടങ്ങളിലെ വിദ്യാര്ത്ഥികള്ക്കായി സ്റ്റുഡൻറ് കൗൺസിലർമാരെ നിയമിക്കുന്നു.
വ്യക്തിത്വ വികസനം, സ്വഭാവ രൂപീകരണം, പഠന ശേഷി വര്ധിപ്പിക്കല് തുടങ്ങിയ കാര്യങ്ങളില് കൗണ്സലിംഗ് നല്കുക , കരിയര് ഗൈഡന്സ് നല്കുക എന്നതാണ് ചുമതല.
യോഗ്യത എം.എ സൈക്കോളജി / എം. എസ്. ഡബ്ലിയു (സ്റ്റുഡന്റ് കൗണ്സിലിങ് പരിശീലനം നേടിയവരാകണം) / എം.എസ്.സി സൈക്കോളജി. കേരളത്തിന് പുറത്തുള്ള സര്വകലാശാലകളില് നിന്നും യോഗ്യത നേടിയവര് തുല്യത സര്ട്ടിഫിക്കറ്റ് ഹാജരാക്കേണ്ടതാണ്. (കൗണ്സിലിംഗ് സര്ട്ടിഫിക്കറ്റ് /ഡിപ്ലോമ നേടിയവര്ക്കും, സ്റ്റുഡന്റ് കൗണ്സിലിംഗ് രംഗത്ത് മുന് പരിചയമുള്ളവര്ക്കും മുന്ഗണന. നിശ്ചിത യോഗ്യതയും നൈപുണ്യവും കഴിവുമുള്ള പട്ടികവര്ഗക്കാര്ക്കും മുന്ഗണന ഉണ്ടായിരിക്കും).
പ്രായപരിധി 2024 ജനുവരി 1 ന് 25നും 45 നും മധ്യേ. പ്രതിമാസം 18000 രൂപ ഓണറേറിയവും പരമാവധി യാത്രപ്പടി 2000 രൂപയും ലഭിക്കും. നിയമന തീയതി മുതല് 2025 മാര്ച്ച് 31 വരെയായിരിക്കും നിയമനകാലാവധി. ആകെ 4 ഒഴിവുകള് ഉണ്ട്.
വാക്ക്-ഇന്-ഇന്റര്ര്വ്യൂ ജൂൺ 26 ന് തൊടുപുഴ മിനി സിവില് സ്റ്റേഷൻ ന്യൂ ബ്ലോക്കിൽ പ്രവര്ത്തിക്കുന്ന ഇടുക്കി ഐ.ടി.ഡി. പ്രൊജക്റ്റ് ഓഫീസില് നടക്കും. താല്പര്യമുള്ളവര് വെള്ളക്കടലാസില് തയാറാക്കിയ അപേക്ഷ, യോഗ്യത,പ്രവൃത്തി പരിചയം എന്നിവ തെളിയിക്കുന്ന അസ്സല് സര്ട്ടിഫിക്കറ്റുകള് ,പകര്പ്പുകൾ , മേൽവിലാസം തെളിയിക്കുന്നതിനുള്ള രേഖ , ഫോട്ടോ ഐഡി കാര്ഡ് എന്നിവ സഹിതം രാവിലെ 10ന് എത്തണം.