അറബി നാട്ടിലെ ക്രിസ്തുമസ് അനുഭവങ്ങളുമായി സുമി ലോറൻസ് . സിനിമയിലും സീരിയലിലും അഭിനയിച്ചു ശ്രദ്ധേയയായ നടി സുമി ലോറൻസ് ഇപ്പോൾ ദുബായ്ലാണുള്ളത്. അടുത്ത് തന്നെ പുതിയ സീരിയലിൽ അഭിനയിക്കാൻ നാട്ടിലെത്തുന്ന സുമി ഇപ്പോൾ ദുബായ് നഗരത്തിലെ ക്രിസ്തുമസ് ആഘോഷങ്ങൾ കണ്ടും കേട്ടും അനുഭവിക്കുകയാണ്.
കേരളത്തിലുള്ളവരും മറ്റ് ഇന്ത്യക്കാരും പുറം രാജ്യക്കാരും ഷോപ്പിംഗ് മാളുകളിലുണ്ട്.
എല്ലാവരുടെയും ക്രിസ്തുമസ് ആഘോഷം മാളുകളിൽ ഗംഭീരമായി നടന്നു വരികയാണെന്നാണ് സുമി പറയുന്നത്.അതെല്ലാം കാണുമ്പോൾ കൊല്ലത്ത് നാട്ടിൽ നടന്ന ക്രിസ്തുമസ് രസങ്ങളും സന്തോഷവും എല്ലാം ഓർമ്മയിൽ ഓടി എത്തുന്നു.കേക്കും വൈനും നക്ഷത്രദീപങ്ങളും അലങ്കാരങ്ങളും ഒക്കെയായി ഈ വർഷത്തെ ക്രിസ്തുമസ് ദിനങ്ങൾ ഒരു ഹരമായി മാറിയിരിക്കുന്നു.
24 ന് ഷാർജയിലെ പള്ളിയിൽ കുർബാന നടക്കും. വിവിധ ഭാഷകളിൽ. പങ്കെടുക്കാൻ മിക്കവരും വരും.എല്ലാ രാജ്യക്കാരും ദുബായ് കേന്ദ്രീകരിച്ചു യേശുവിന്റെ പിറവി ദിനം ആഘോഷിക്കുന്നത് കാണുമ്പോൾ വലിയ സന്തോഷവും സംതൃപ്തി യും തോന്നുന്നു.ഇവിടുത്തെ അറബികൾക്കും ഈ പിറവി ദിനം പ്രത്യേകമായ ഒരു സന്തോഷം തന്നെ കൊടുക്കുന്നുണ്ട് __ സുമി അഭിപ്രായപ്പെട്ടു.
പളുങ്ക്, പരസ്പരം, തുടങ്ങിയ സീരിയലുകളിലും ഏതാനും സിനിമകളിലും അഭിനയിച്ചിട്ടുള്ള സുമി ലോറൻസ് കൊല്ലം സ്വദേശി യാണ്‌.