സർക്കാർ ഗേള്സ് ഹോമില് നിന്ന് ചാടിപ്പോയ പെണ്കുട്ടികളെ പൊലീസ് കണ്ടെത്തിയത് മണിക്കൂറുകള്ക്കുള്ളില്. ഇന്നലെ രാത്രിയിലാണ് കോഴിക്കോട് വെള്ളിമാടുകുന്ന് സർക്കാർ ഗേള്സ് ഹോമില് നിന്ന് നാലു പെണ്കുട്ടികളെ കാണാതായത്. തുടർന്ന് ചേവായൂർ പൊലീസ് നടത്തിയ അന്വേഷണത്തിലാണ് കുട്ടികളെ കണ്ടെത്തിയത്. ടൗണ് സ്റ്റേഷൻ പരിധിയിലെ ഒരു ഡോക്ടറുടെ വീട്ടില് നിന്നാണ് നാലു പെണ്കുട്ടികളെയും കണ്ടെത്തിയത്. പൊലീസെത്തിയപ്പോള് കുട്ടികള് ഓടി ഡോക്ടറുടെ വീട്ടില് കയറുകയായിരുന്നു. ഇന്നലെ രാത്രി ഏഴ് മണിയോടെയാണ് കുട്ടികളെ കാണാതായത്.