ഡോക്ടര്മാരുടെ ചിത്രവും യോഗ്യതയുംവെച്ച് സ്വകാര്യ ആശുപത്രികള് പരസ്യം നല്കുന്നതിനെതിരേ സംസ്ഥാന മെഡിക്കല് കൗണ്സിലാണ് വീണ്ടും രംഗത്ത് വന്നിരിക്കുന്നത്.അഖിലേന്ത്യാ മെഡിക്കല് കമ്മിഷന്റെ നിര്ദേശത്തെത്തുടര്ന്ന് ഇക്കാര്യം വീണ്ടും ഡോക്ടര്മാരെയും ആശുപത്രി മാനേജ്മെന്റുകളെയും അറിയിക്കാന് സംസ്ഥാന കൗണ്സില് തീരുമാനിച്ചു.2002-ലെ ഇന്ത്യന് മെഡിക്കല് കൗണ്സില് ചട്ടം ലംഘിച്ചാല് രജിസ്ട്രേഷന് റദ്ദാക്കുന്നതടക്കമുള്ള നടപടികള് ഡോക്ടര്മാര്ക്കെതിരേ സംസ്ഥാന കൗണ്സിലിന് സ്വീകരിക്കാനാവും.