വിവിധ ആവശ്യങ്ങൾ ഉന്നയിച്ച് 37 ദിവസമായി എൽ.പി.എസ്.ടി. (LPST) റാങ്ക് ഹോൾഡേഴ്‌സ് നടത്തിവന്ന സമരം പിൻവലിച്ചു. 13 ദിവസമായി നേതാവ് വളർമതി നടത്തി വന്ന നിരാഹാര സമരം അവസാനിപ്പിച്ചു.സർക്കാരുമായി നടത്തിയ ചർച്ചയിൽ ഉന്നയിച്ച ആവശ്യങ്ങളിൽ അനുകൂല നിലപാട് ഉണ്ടാകുമെന്ന ഉറപ്പ് ലഭിച്ചതിനെ തുടർന്നാണ് സമരം അവസാനിപ്പിക്കാൻ ഉദ്യോഗാർത്ഥികൾ തീരുമാനിച്ചത്. ഒഴിവുകൾ വേഗത്തിൽ റിപ്പോർട്ട് ചെയ്യുമെന്നും നിയമന നടപടികൾ വേഗത്തിലാക്കുമെന്നും അധികൃതർ ഉറപ്പുനൽകിയിട്ടുണ്ട്. ഇതിന്റെ അടിസ്ഥാനത്തിലാണ് സമരം പൂർണ്ണമായും അവസാനിപ്പിക്കുന്നതായി റാങ്ക് ഹോൾഡേഴ്‌സ് ഭാരവാഹികൾ വ്യക്തമാക്കിയത്.