കേരളത്തിൽ മഴ തകർത്ത് പെയ്യുകയാണ്. അതുകൊണ്ട് തന്നെ അതിതീവ്ര മഴയ്ക്കുള്ള സാധ്യതയാണ് നിലവിൽ ഉള്ളത്.
ഇന്ന് നാല് ജില്ലകളിലാണ് ഓറഞ്ച് മുന്നറിയിപ്പ്. പത്തനംതിട്ട, ആലപ്പുഴ, കോട്ടയം, എറണാകുളം ജില്ലകളിലാണ് ഓറഞ്ച് മുന്നറിയിപ്പ്.
തിരുവനന്തപുരം, കൊല്ലം, ഇടുക്കി, തൃശൂർ ജില്ലകളിൽ യെല്ലോ മുന്നറിയിപ്പാണ്. ഒറ്റപ്പെട്ട സ്ഥലങ്ങളിൽ ജൂൺ 1 വരെ ശക്തമായ മഴക്ക് സാധ്യതയുണ്ട്.
തീരപ്രദേശങ്ങളിലും ഇടനാടുകളിലും കൂടുതൽ മഴയ്ക്ക് സാധ്യതയുണ്ട്. ശക്തമായ കാറ്റും ഇടിമിന്നലും പ്രതീക്ഷിക്കണം.
മഴ കനക്കുന്ന ഈ സാഹചര്യത്തിൽ പലയിടങ്ങളിലും വെള്ളക്കെട്ടാണ്. അതീവ ജാഗ്രത വേണം എന്നാണ് അറിയിക്കുന്നത്.