ചെന്നൈ കവരൈപേട്ടയില്‍ എക്‌സ്പ്രസ് ട്രെയിനും ഗുഡ്‌സും കൂട്ടിയിടിച്ചു; 13 കോച്ചുകള്‍ പാളം തെറ്റിയതായി വിവരം, മൂന്ന് കോച്ചുകൾക്ക് തീ പിടിച്ചു.
സിഗ്നൽ തകരാറാണ് അപകട കാരണമെന്നും പ്രാഥമിക വിവരമുണ്ട്.
ചെന്നൈ തിരുവള്ളൂവരിന് സമീപം കവരൈപേട്ടയില്‍ ട്രെയിനുകള്‍ കൂട്ടിയിടിച്ച് അപകടം.
മൈസുരു-ദര്‍ബാംഗ ഭാഗമതി എക്‌സ്പ്രസ് ലൂപ്പ് ലൈനിൽ കിടക്കുകയായിരുന്ന ചരക്ക് തീവണ്ടിയിലേക്ക് ഇടിച്ചു കയറുകയായിരുന്നു.
അപകടത്തിൽ ഇരു ട്രെയിനുകളുടേതുമായി 13 കോച്ചുകൾ പാളം തെറ്റിയതായാണ് റിപ്പോർട്ട്.
മൂന്നു കോച്ചുകള്‍ക്ക് തീപിടിച്ചതായും റിപ്പോര്‍ട്ടുണ്ട്. ചെന്നൈ ആന്ധ്രാ അതിർത്തിയിലാണ് സംഭവം.
അപകടത്തില്‍ ആളപായം ഇതുവരെ റിപ്പോര്‍ട്ട് ചെയ്തിട്ടില്ല.
എന്നാല്‍ നൂറിലേറെ പേര്‍ക്ക് പരുക്കേറ്റിട്ടുണ്ട്. ചിലരുടെ നില ഗുരുതരമാണെന്നും സ്ഥിരീകരിക്കാത്ത റിപ്പോര്‍ട്ടുകള്‍ ഉണ്ട്.
തിരുവള്ളുവര്‍ ജില്ലാ കളക്ടറുടെ നേതൃത്വത്തില്‍ രക്ഷാപ്രവര്‍ത്തനം തുടരുകയാണ്. നിരവധി ആംബുലൻസുകളാണ് സ്ഥത്തേക്ക് എത്തിച്ചിരിക്കുന്നത്.
അപകടത്തിന് തുടർന്ന് ഇരു ദിക്കുകളിലേക്കുമുള്ള തീവണ്ടി ഗതാഗതം പൂർണമായും നിർത്തിവച്ചു.