ഇന്ത്യൻ നാവികസേനയുടെ യുദ്ധക്കപ്പലുകളുമായി ബന്ധപ്പെട്ട രഹസ്യ വിവരങ്ങള്‍ പാകിസ്ഥാന് ചോർത്തി നൽകിയ സംഭവത്തില്‍ രണ്ടുപേർ അറസ്റ്റില്‍.ഉത്തർപ്രദേശിലെ സുല്‍ത്താൻപുർ സ്വദേശികളായ രോഹിത് (29), ശാന്ത്രി (37) എന്നിവരാണ് പിടിയിലായത്.കൊച്ചിൻ ഷിപ്പ്‌യാർഡില്‍ കരാർ തൊഴിലാളിയായി ജോലി ചെയ്തിരുന്ന കാലത്ത് ഇന്ത്യൻ നാവികസേനയുടെ കപ്പലുകളുടെ എണ്ണം ഉള്‍പ്പെടെ നിരവധി രഹസ്യ വിവരങ്ങള്‍ രോഹിത് വാട്‌സ്‌ആപ്പ് വഴി പാകിസ്ഥാന് കൈമാറിയിരുന്നുവെന്നാണ് അന്വേഷണത്തിൽ കണ്ടെത്തിയത്.
കൊച്ചിൻ ഷിപ്പ്‌യാർഡ് മാല്‍പെ-ഉഡുപ്പി സി.ഇ.ഒ. പോലീസ് സ്റ്റേഷനില്‍ നല്‍കിയ പരാതിയുടെ അടിസ്ഥാനത്തിലാണ് പ്രതികളെ അറസ്റ്റ് ചെയ്തത്. അറസ്റ്റിലായ രോഹിത്, മെസ്സേഴ്സ് സുഷ്മ മറൈൻ പ്രൈവറ്റ് ലിമിറ്റഡ് എന്ന കമ്ബനിയിലെ ജീവനക്കാരനാണ്. കൊച്ചിൻ ഷിപ്പ്‌യാർഡ് മാല്‍പെ-ഉഡുപ്പി യൂണിറ്റില്‍ കരാർ ജോലി ഏറ്റെടുത്ത കമ്ബനിയാണിത്. നിലവില്‍ മാല്‍പെ-ഉഡുപ്പി ഷിപ്പ്‌യാർഡില്‍ ഇൻസുലേറ്ററായി ജോലി ചെയ്യുകയായിരുന്നു.