സംസ്ഥാനത്ത് മഴ തകർത്ത് പെയ്യുകയാണ്.
തോരാതെ പെയ്യുന്ന മഴയിൽ നട്ടം തിരിയുകയാണ് ജനങ്ങൾ.
മഴ തുടരുന്ന സാഹചര്യത്തിൽ ആറ് ജില്ലകളിൽ യെല്ലോ അലർട്ട് പ്രഖ്യാപിച്ചു.
എറണാകുളം, ഇടുക്കി, തൃശ്ശൂർ, മലപ്പുറം, കോഴിക്കോട്, വയനാട് എന്നീ ജില്ലകളിലാണ് യെല്ലോ അലർട്ട്.
കേരളാ തീരത്ത് മത്സ്യബന്ധനം വിലക്കി.
ഉയർന്ന തിരമാലകൾക്കും സാധ്യതയുണ്ട്.
കേരളാ തീരത്ത് പടിഞ്ഞാറൻ കാറ്റ് ശക്തമാണ്.
അതേസമയം, ഇടിയോടും കാറ്റോടും കൂടിയ മഴയ്ക്ക് സാധ്യതയുണ്ടെന്നും കാലാവസ്ഥാ വകുപ്പ് അറിയിച്ചു.
ശക്തമായ മഴ കിട്ടിയ മലയോരമേഖലകളിൽ അതീവ ജാഗ്രത വേണമെന്നും അറിയിപ്പ് നൽകിയിട്ടുണ്ട്.