ആഭ്യന്തര റബർ വില രാജ്യാന്തര വിലയിലും താഴ്ന്നു. ഇന്നലെ ബാങ്കോക്ക് മാർക്കറ്റിൽ ആർഎസ്എസ് 4ന്റെ വില കിലോഗ്രാമിന് 187.26 രൂപയാണ്. കഴിഞ്ഞ 10 ദിവസമായി കോട്ടയം, കൊച്ചി മാർക്കറ്റിൽ ആഭ്യന്തര റബർ വില 186 രൂപയായി തുടരുകയാണ്. ഓപ്പൺ മാർക്കറ്റിൽ സ്പോട് വില 178 രൂപയാണ്. മാർക്കറ്റിൽ ചരക്കു കാര്യമായി എത്തുന്നില്ലെന്നു വ്യാപാരികൾ പറയുന്നു. രോഗബാധ കാരണം റബർ ഇലകൾ കൊഴിഞ്ഞതിനാൽ ഉൽപാദനം ഇടിയാൻ കാരണമായെന്നും റബർ പാലിൻ്റെ ഡ്രൈ റബർ കണ്ടൻ്റിൽ വലിയ കുറവാണ് ഉണ്ടായതെന്നും കർഷകർ പറഞ്ഞു.