സിപിഐയുടെ നിലപാടിന് സിപിഎം വഴങ്ങിയതോടെ പി എം ശ്രീ വിവാദത്തിലുള്ള തർക്കം അവസാനിച്ചതായി റിപ്പോർട്ട്. ഇതോടെ ഇന്ന് വൈകുന്നേരം നടക്കാനിരിക്കുന്ന മന്ത്രിസഭാ യോഗത്തിൽ സിപി ഐ മന്ത്രിമാർ പങ്കെടുക്കും എന്നാണ് ലഭിക്കുന്ന അനൗദ്യോഗിക വിവരം. മുഖ്യമന്ത്രിയും ബിനോയ് വിശ്വവും ഇന്ന് ഉച്ചക്ക് 1.30 ഓടെ എ കെ ജി സെൻ്ററിൽ കൂടിയാഴ്ച നടത്തും.വിഷത്തിൽ ഇരു പാർട്ടികളും ഇതുവരെ ഔദ്യോഗികമായി പ്രതികരിച്ചിട്ടില്ല.നേതാക്കളുടെ കൂടിക്കാഴ്ചക്ക് ശേഷം ഔദ്യോഗിക പ്രതികരണം ഉണ്ടാകുമെന്നാണ് സൂചന.പിഎം ശ്രീ പദ്ധതി നടപ്പാക്കാൻ ഒപ്പുവച്ച കരാർ മരവിപ്പിക്കാനോ റദ്ദാക്കാനോ ആവശ്യപ്പെട്ട് സംസ്ഥാന സർക്കാർ കേന്ദ്രത്തിന് കത്ത് നൽകും.വിഷയം ചർച്ച ചെയ്യാനായി മുന്നണി യോഗവും ഉടൻ വിളിക്കും.വിഷയം മന്ത്രിസഭാ യോഗത്തിലും ചർച്ച ചെയ്യും. പിഎം ശ്രീ വിഷയത്തിൽ ഒരു ഉപസമതി ഉണ്ടാക്കി മുന്നോട്ട് പോകാമെന്നുള്ളതാണ് മറ്റൊരു തീരുമാനം.