തിരുവനന്തപുരം കോര്പ്പറേഷനില് പ്രചാരണം തുടങ്ങിയ ശേഷം രണ്ട് വാര്ഡുകളില് എല്.ഡി.എഫ് സ്ഥാനാര്ത്ഥികള് മാറി.കുറവന്കോണം, കരമന വാര്ഡുകളിലാണ് പ്രചരണം തുടങ്ങിയ ശേഷം സ്ഥാനാർത്ഥി മാറ്റം. ആര്.ജെ.ഡി സ്ഥാനാര്ത്ഥി കെ.സി.സൗമ്യയെയാണ് കുറവന്കോണത്ത് നിന്ന് മാറ്റിയത്. അന്തിമ വോട്ടര്പട്ടിക പരിശോധിച്ചപ്പോള് ഇവര്ക്ക് വോട്ടില്ലെന്ന് അറിഞ്ഞതോടെയാണ് നീക്കമെന്നാണ് പാര്ട്ടി വൃത്തങ്ങള് പറയുന്നത്. വാര്ഡ് കണ്വെന്ഷന് നടക്കാനിരിക്കെയാണ് പിന്മാറ്റം. പുതിയ സ്ഥാനാര്ത്ഥിയെ ഉടന് പ്രഖ്യാപിക്കുമെന്നും എല്.ഡി.എഫ് വൃത്തങ്ങള് അറിയിച്ചു.ആര്ജെഡി സ്ഥാനാര്ത്ഥി പിന്മാറിയ സാഹചര്യത്തില് സീറ്റ് സിപിഎം ഏറ്റെടുത്തേക്കുമെന്നാണ് റിപ്പോര്ട്ടുകള്. പകരം സ്ഥാനാര്ത്ഥിയെ ഇന്നു തന്നെ പത്രിക സമര്പ്പിച്ചേക്കും. കരമനയില് കേരള കോണ്ഗ്രസ് എമ്മിന്റെ സ്ഥാനാര്ത്ഥിയെയാണ് പ്രചാരണം തുടങ്ങി ഒരാഴ്ചക്കുശേഷം മാറ്റിയത്. കരമന രാജേഷിനെയാണ് സ്ഥാനാര്ത്ഥിയായി നേരത്തെ പ്രഖ്യാപിച്ചത്. എന്നാല് ഇന്ന് രാജേഷിനെ മാറ്റി പകരം നിയോജക മണ്ഡലം പ്രസിഡന്റ് ആര്.ലോകേഷിനെ പുതിയ സ്ഥാനാര്ത്ഥിയായി പ്രഖ്യാപിക്കുകയായിരുന്നു.