പശ്ചിമേഷ്യയില് യുദ്ധസാഹചര്യം അതീവ ഗുരുതരമായി തുടരുന്ന പശ്ചാത്തലത്തില്, ഇറാനിലുള്ള ഇന്ത്യൻ പൗരന്മാർക്ക് അടിയന്തര യാത്രാ നിർദ്ദേശം പുറപ്പെടുവിച്ച് കേന്ദ്ര വിദേശകാര്യ മന്ത്രാലയം.ഇറാനിലേക്കുള്ള എല്ലാവിധ യാത്രകളും ഇന്ത്യൻ പൗരന്മാർ പൂർണ്ണമായും ഒഴിവാക്കണമെന്ന് ടെഹ്റാനിലെ ഇന്ത്യൻ എംബസി ആവശ്യപ്പെട്ടു. നിലവില് ഇറാനില് തുടരുന്ന ഇന്ത്യക്കാർ ലഭ്യമായ യാത്രാമാർഗ്ഗങ്ങള് ഉപയോഗിച്ച് എത്രയും വേഗം രാജ്യം വിടണമെന്നും എംബസി പുറത്തിറക്കിയ ഔദ്യോഗിക പ്രസ്താവനയില് വ്യക്തമാക്കുന്നു.മേഖലയിലെ പെട്ടെന്നുണ്ടായ സുരക്ഷാ വ്യതിയാനങ്ങളും അനിശ്ചിതാവസ്ഥയും കണക്കിലെടുത്താണ് മുൻപ് നല്കിയ മുന്നറിയിപ്പുകള് ആവർത്തിച്ചുകൊണ്ട് ഇന്ത്യൻ എംബസി പുതിയ നിർദ്ദേശം നല്കിയിരിക്കുന്നത്. സ്വന്തം സുരക്ഷയ്ക്ക് പരമപ്രധാനമായ മുൻഗണന നല്കാൻ പൗരന്മാരോട് ആവശ്യപ്പെട്ടിട്ടുണ്ട്.