നോർവേ ചെസ്സ് ടൂർണമെന്റ് നേടുന്ന ആദ്യ ഇന്ത്യക്കാരനായി മാറിയ 20-കാരനായ ചെസ്സ് പ്രതിഭ ആർ. പ്രഗ്നാനന്ദയെ തമിഴ്നാട് മുഖ്യമന്ത്രി വിജയ് തിങ്കളാഴ്ച ചെന്നൈയില് വെച്ച് ആദരിച്ചു .തമിഴ്നാട് സർക്കാരിന് വേണ്ടി വിജയ് പ്രഗ്നാനന്ദയ്ക്ക് 50 ലക്ഷം രൂപയുടെ ക്യാഷ് അവാർഡ് സമ്മാനിച്ചു. ഈ ആദരിക്കല് ചടങ്ങിനൊപ്പം തന്നെ, മുഖ്യമന്ത്രിയും പ്രഗ്നാനന്ദയും തമ്മില് നടന്ന ഒരു ചെസ്സ് മത്സരത്തിന്റെ വീഡിയോയും സോഷ്യല് മീഡിയയില് വൈറലാവുകയാണ്.കൂടിക്കാഴ്ചയ്ക്കിടെ, തന്റെ കൂടെയൊരു മത്സരത്തിനായി പ്രഗ്നാനന്ദയെ ക്ഷണിച്ച് വിജയ് എല്ലാവരെയും അത്ഭുതപ്പെടുത്തി. ഇപ്പോള് വൈറലായ വീഡിയോയില്, മേശയ്ക്ക് ഇരുവശത്തുമായി നിന്ന് ഇരുവരും അതിവേഗം കരുക്കള് നീക്കുന്നതും ചുറ്റുമുള്ളവർ ഇത് നോക്കിനില്ക്കുന്നതും കാണാം. പ്രതീക്ഷിച്ചതുപോലെ പ്രഗ്നാനന്ദ വിജയിച്ചെങ്കിലും, അതിനുമുമ്പ് തന്റെ ചെസ്സ് കളിക്കാനുള്ള കഴിവ് കൊണ്ട് വിജയ് താരത്തെ അമ്പരപ്പിച്ചു.വിജയിക്ക് ചെസ്സിലുള്ള താല്പര്യം തന്നെ അത്ഭുതപ്പെടുത്തിയെന്ന് പ്രഗ്നാനന്ദ പിന്നീട് മാധ്യമങ്ങളോട് പറഞ്ഞു.