തുടര്ച്ചയായ പത്താം ദിവസവും ഇറാനിലേക്ക് അമേരിക്കന് ആക്രമണം.പതിവ് പോലെ തെക്കന് ഇറാനിലാണ് വ്യാപക ആക്രമണം നടന്നിരിക്കുന്നത്.ഖ്വേഷം ദ്വീപ്, ബന്ദര് അബാസ്, സിരിഖ്, ചബഹാര്, ഇസ്തഫാന്, കൊണാര്ക്ക് എന്നിവിടങ്ങളിലാണ് ആക്രമണം നടന്നത്. ഇറാന് മുന്നറിയിപ്പുമായി അമേരിക്കന് പ്രസിഡന്റ് ഡോണള്ഡ് ട്രംപ് ഇന്നും രംഗത്തെത്തി. അമേരിക്കന് സൈനികരുടെ മരണത്തിന് പകരം ചെയ്യും എന്നാണ് ഭീഷണി. ശക്തമായ തിരിച്ചടി നല്കുമെന്നും ഇറാന് വലിയ വില നല്കേണ്ടി വരുമെന്നും അമേരിക്ക മുന്നറിയിപ്പ് നല്കി.അതേസമയം, ഗള്ഫ് രാജ്യങ്ങളിലെ അമേരിക്കന് സൈനിക താവളങ്ങള് കേന്ദ്രീകരിച്ച് ഇറാനും തിരിച്ചടി തുടരുകയാണ്. കുവൈറ്റിലും ബഹ്റൈനിലും ആക്രമണം നടന്നു. ഒമാന് തീരത്തും ആക്രമണം നടന്നതായാണ് വിവരം. എന്നാല് സമാധാന ചര്ച്ചകള്ക്ക് ഇനിയും സാധ്യതയുണ്ടെന്നാണ് വൈറ്റ് ഹൗസ് അറിയിക്കുന്നത്.