യുഎസിൽ ലോറൻസ് ബിഷ്ണോയി സംഘത്തിനുവേണ്ടി പ്രവർത്തിച്ച കുപ്രസിദ്ധ ഗുണ്ടാത്തലവൻ ഹാരി ബോക്സർ അറസ്റ്റിലായി .ഇയാൾക്കെതിരെ കൊലപാതകം, ഭീഷണിപ്പെടുത്തൽ, പിടിച്ചുപറി തുടങ്ങിയ നിരവധി കുറ്റകൃത്യങ്ങൾ നേരത്തെതന്നെ നിലനിൽക്കുന്നുണ്ട്.സിനിമാ നിർമാതാവ് രോഹിത് ഷെട്ടിയുടെ വസതിക്ക് സമീപമുണ്ടായ വെടിവെപ്പിന്റെ ഉത്തരവാദിത്വം ഹാരി ഏറ്റെടുത്തിട്ടുണ്ട്. തുടർന്ന് നിരവധി ബോളിവുഡ് സിനിമാതാരങ്ങൾക്ക് ഭീഷണി നിറഞ്ഞ ശബ്‌ദ സന്ദേശങ്ങൾ ഇയാൾ അയച്ചതായി ആരോപണമുണ്ട്. ഗുണ്ടാസംഘാംഗങ്ങളായ ഹിമാൻഷു ഭാവു, നീരജ് ഫരീദ്പുരിയ എന്നിവരെ അമേരിക്കയിൽ കസ്റ്റഡിയിലെടുത്തതിന് പിന്നാലെയാണ് ഇയാളുടെയും അറസ്റ്റ്.