ചര്മ്മത്തിന്റെ ആരോഗ്യത്തിനായി പല തരത്തിലുള്ള പാക്കുകള് ഉപയോഗിക്കാറുള്ളവരാണ് നമ്മൾ എല്ലാവരും.
എന്നാൽ, മുട്ട ഉപയോഗിച്ച് എളുപ്പത്തിൽ വേഗം വീട്ടിൽ തന്നെ ചെയ്യാവുന്ന ചില പൊടികൈകൾ ഉണ്ട്.
വിറ്റാമിന് സിയും ഒമേഗ 3 ഫാറ്റി ആസിഡും അടങ്ങിയ മുട്ട കൊണ്ടുള്ള ഫേസ് പാക്കുകള് പരീക്ഷിക്കുന്നത് മുഖത്തിനു തിളക്കവും മൃദുത്വവുമെല്ലാം നല്കാന് സഹായിക്കും.
അത് എങ്ങനെ എന്ന് അല്ലേ? നമുക്ക് നോക്കാം.
ചര്മ്മത്തിലെ വരള്ച്ചയെ തടയാന്, മുട്ടയുടെ മഞ്ഞയിലേയ്ക്ക് തേനും ഒലീവ് ഓയിലും ചേര്ത്ത് മിശ്രിതമാക്കുക.
ശേഷം ഈ മിശ്രിതം മുഖത്ത് പുരട്ടാം.
മുഖത്തെ കുഴികളെ അടയ്ക്കാനും ചുളിവുകള് അകറ്റാനും മുട്ടയുടെ വെള്ള നന്നായി പതപ്പിച്ചെടുത്തതിന് ശേഷം മുഖത്ത് പുരട്ടുക.
അതുപോലെ, മുഖത്തെ പാടുകളെ അകറ്റാൻ ഒരു മുട്ടയുടെ വെള്ളയും പകുതി പഴവും ഒരു ടീസ്പൂൺ നാരങ്ങാ നീരും അര ടീസ്പൂണ് തേനും ചേർത്ത് മിശ്രിതമാക്കുക.
ഇനി ഈ മിശ്രിതം മുഖത്ത് പുരട്ടാം.