പഞ്ചായത്ത് കേന്ദ്രീകരിച്ച പ്രതിഷേധ സദസ്സിന്റെ സംസ്ഥാന തല ഉദ്ഘാടനം നാളെ (ജൂലൈ 14) വൈകുന്നേരം 4 മണിക്ക് വിഴിഞ്ഞം കരുംകുളം പഞ്ചായത്തിലെ പുതിയതുറ ജംഗ്ഷനില് മുന് പ്രതിപക്ഷ നേതാവ് രമേശ് ചെന്നിത്തല നിര്വ്വഹിക്കും.ആശമാര്ക്ക് ഓണറേറിയം വര്ദ്ധിപ്പിക്കുകയില്ലെന്ന ധാര്ഷ്ട്യം മുഖ്യമന്ത്രി തുടരുന്ന സാഹചര്യത്തില് കേരളത്തിലെ പഞ്ചായത്ത് കേന്ദ്രങ്ങളില് നടക്കുന്ന പ്രതിഷേധ സദസ്സുകള്ക്ക് പ്രാധാന്യം വര്ദ്ധിച്ചിരിക്കുകയാണ്. കാസര്ഗോഡ് നിന്നും തിരുവനന്തപുരത്തേയ്ക്ക് നടത്തിയ രാപകല് സമരയാത്രപോലെ, 1000 പ്രതിഷേധ സദസ്സുകളും സംസ്ഥാനത്ത് ഒരു പ്രചണ്ഡമായ തൊഴിലാളി മുന്നേറ്റമായി തീരും. സംസ്ഥാനത്തിന്റെ തെക്കെയറ്റത്തെ പഞ്ചായത്തായ കരുംകുളത്തു നിന്നും രാപകല് സമരത്തിന്റെ 156-ാം ദിനം ഈ മുന്നേറ്റം ആരംഭിക്കുകയാണന്ന് കെ എ എച്ച് ഡബ്ലിയു എ സംസ്ഥാന പ്രസിഡന്റ് വി.കെ സദാനന്ദന്, ജനറല് സെക്രട്ടറി എം.എ. ബിന്ദു എന്നിവര് പ്രസ്താവനയില് പറഞ്ഞു.