അർജന്റീന ടീമിന്റെ കേരള സന്ദർശനം: സ്പോൺസർക്കെതിരായ അന്വേഷണം കേന്ദ്ര ഏജൻസിക്ക് കൈമാറാൻ നീക്കം

അർജന്റീന ടീമിന്റെ കേരള സന്ദർശനം: സ്പോൺസർക്കെതിരായ അന്വേഷണം കേന്ദ്ര ഏജൻസിക്ക് കൈമാറാൻ നീക്കം. ക്രമക്കേടുകൾ അന്വേഷിക്കുന്ന പ്രത്യേക അന്വേഷണ സംഘത്തിന്റെ (എസ്‌ഐടി) പ്രാഥമിക റിപ്പോർട്ട് ഇന്ന് ഡിജിപിക്ക് സമർപ്പിക്കും. എഡിജിപി പി. വിജയന്റെ നേതൃത്വത്തിലുള്ള സംഘമാണ് റിപ്പോർട്ട് തയ്യാറാക്കിയിരിക്കുന്നത്. സ്പോൺസറായ റിപ്പോർട്ടർ ബ്രോഡ്കാസ്റ്റിങ് കമ്പനിക്കെതിരായ സാമ്പത്തിക ക്രമക്കേടിലെ അന്വേഷണം കേന്ദ്ര ഏജൻസിക്ക് കൈമാറാൻ സർക്കാർ നീക്കം നടത്തുണ്ട്.സ്പോൺസറുടെ ഓഫീസിലും സ്ഥാപനത്തിലും നടത്തിയ റെയ്ഡുകളിൽ ശേഖരിച്ച തെളിവുകൾ ഉൾപ്പെടെയുള്ള കാര്യങ്ങൾ റിപ്പോർട്ടിലുണ്ട്.ഡിജിപി പരിശോധിച്ച ശേഷം ഈ റിപ്പോർട്ടും ശുപാർശകളും ആഭ്യന്തര വകുപ്പിന് കൈമാറും.
കൂടാതെ, സ്പോൺസർമാരായ കമ്പനി നടത്തിയ ധനസമാഹരണത്തിൽ കള്ളപ്പണ ഇടപാടുണ്ടെന്ന് സംശയിക്കുന്നതായി എസ്‌ഐടി കണ്ടെത്തിയിട്ടുണ്ട്. പദ്ധതിക്കായി ടെൻഡറില്ലാതെ സ്പോൺസറെ കണ്ടെത്തിയതിൽ മുൻ കായികമന്ത്രി അബ്ദുറഹിമാനെതിരെ തെളിവുകൾ ശേഖരിച്ചിട്ടുണ്ടെന്നും, മുൻന്ത്രിക്കും കായികവകുപ്പിലെ മുൻ ഉദ്യോഗസ്ഥർക്കുമെതിരെ അഴിമതി നിരോധന നിയമപ്രകാരം കേസെടുക്കുന്നതിന് എസ്‌ഐടി സർക്കാർ അനുമതി തേടുമെന്നും റിപ്പോർട്ടിൽ വ്യക്തമാക്കുന്നു.ക്രമക്കേടുകൾ അന്വേഷിക്കുന്നതിന്റെ ഭാഗമായി കേരള സ്പോർട്സ് കൗൺസിൽ മുൻ പ്രസിഡന്റ് യു. ഷറഫലിയുടെ മൊഴിയും എസ്‌ഐടി രേഖപ്പെടുത്തിയിട്ടുണ്ട്. സ്പോൺസറും അർജന്റീന ഫുട്ബോൾ അസോസിയേഷനും തമ്മിൽ ഒപ്പുവെച്ച കരാറിൽ സാക്ഷിയായി സ്പോർട്സ് കൗൺസിൽ പ്രസിഡന്റായിരുന്ന ഷറഫലി ഒപ്പുവെച്ചത് വിവാദമായിരുന്നു.

Leave a Reply

spot_img

Related articles

മുഖ്യമന്ത്രിക്ക് നന്ദി അറിയിച്ച് വിദർശ : നിയമന ഉത്തരവ് ഏറ്റുവാങ്ങി

മുഖ്യമന്ത്രി വി ഡി സതീശന് ഹൃദയം നിറഞ്ഞ നന്ദി അറിയിച്ച് ഷൂട്ടിങ് താരം വിദർശ കെ വിനോദ്. കായിക ഡയറക്ടറേറ്റിൽ അസിസ്റ്റന്റ് ഡയറക്ടർ ആയി...

ഷുക്കൂർ വധക്കേസ്: വിധിയിൽ അഭിപ്രായ വ്യത്യാസമുണ്ടെങ്കിൽ സർക്കാരിന് അപ്പീൽ നൽകാം; തിരുവഞ്ചൂർ രാധാകൃഷ്ണൻ

അരിയിൽ ഷുക്കൂർ വധക്കേസിലെ കോടതി വിധിയിൽ അഭിപ്രായവ്യത്യാസമുണ്ടെങ്കിൽ സർക്കാരിന് നിയമപരമായി അപ്പീൽ നൽകാമെന്ന് നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ. ഇക്കാര്യത്തിൽ പ്രോസിക്യൂഷനാണ് നിലപാട് വ്യക്തമാക്കേണ്ടതെന്നും...

പത്മജയുടെ രാജി: സംസ്ഥാന നേതാക്കൾ മറുപടി പറയുമെന്ന് സുരേഷ് ഗോപി

പത്മജയുടെ രാജി: സംസ്ഥാന നേതാക്കൾ മറുപടി പറയുമെന്ന് സുരേഷ് ഗോപി.പത്മജയുടെ കാര്യം എന്നോടല്ല ചോദിക്കേണ്ടത്. അവരെ ചേർക്കുന്നതിൽ താൻ ഇടപെട്ടിട്ടില്ല.പുറത്ത് പോകുന്നതിനെ എതിർക്കാനും തനിക്ക്...

എസ്എൻഡിപി തിരഞ്ഞെടുപ്പ്: വെള്ളാപ്പള്ളി നടേശന് അനുകൂലമായി കേന്ദ്ര സർക്കാർ സുപ്രീം കോടതിയിൽ

എസ്എൻഡിപി യോഗം തിരഞ്ഞെടുപ്പുമായി ബന്ധപ്പെട്ട നിയമപോരാട്ടത്തിൽ ജനറൽ സെക്രട്ടറി വെള്ളാപ്പള്ളി നടേശന് അനുകൂലമായ നിലപാടുമായി കേന്ദ്ര സർക്കാർ സുപ്രീം കോടതിയിൽ. എസ്എൻഡിപി യോഗത്തിന് കേരളത്തിലെ...