കോതമംഗലം രൂപത മുൻ ബിഷപ്പ് മാർ ജോർജ് പുന്നക്കോട്ടിലിനെതിരെ വനം വകുപ്പ് എടുത്ത കേസ് റദ്ദാക്കണമെന്ന് ആവശ്യപ്പെട്ട് കേരള കോൺഗ്രസിന്റെ നേതൃത്വത്തിൽ 31ന് കോതമംഗലത്ത് ഉപവാസ സമരം നടത്തും . ഉപവാസ സമരം കേരള കോൺഗ്രസ് ചെയർമാൻ പി ജെ ജോസഫ് എംഎൽഎ ഉദ്ഘാടനം ചെയ്യും. ആലുവ- മൂന്നാർ രാജപാത തുറക്കണമെന്ന് ആവശ്യപ്പെട്ട് നടത്തിയ ജന മുന്നേറ്റ യാത്രയിൽ പങ്കെടുത്ത ബിഷപ്പിനെതിരെ കേസെടുത്ത വനംവകുപ്പ് നടപടി അങ്ങേയറ്റം പ്രതിഷേധാർഹമാണ്. വനം വകുപ്പ് ഓഫീസിന് മുന്നിൽ നടക്കുന്ന ഉപവാസ സമരത്തിൽ കേരള കോൺഗ്രസ് വർക്കിംഗ് ചെയർമാൻ അഡ്വ പി സി തോമസ് എക്സ് എംപി , എക്സിക്യൂട്ടീവ് ചെയർമാൻ അഡ്വ മോൻസ് ജോസഫ് എംഎൽഎ , സെക്രട്ടറി ജനറൽ അഡ്വ ജോയ് എബ്രഹാം എക്സ് എം പി, ഡെപ്യൂട്ടി ചെയർമാൻമാരായ ടി യു കുരുവിള എക്സ് എംഎൽഎ , അഡ്വ കെ ഫ്രാൻസിസ് ജോർജ് എംപി, അഡ്വ തോമസ് ഉണ്ണിയാടാൻ എക്സ് എംഎൽഎ , സംസ്ഥാന കോർഡിനേറ്റർ അപു ജോൺ ജോസഫ്, എറണാകുളം ജില്ലാ പ്രസിഡന്റ് ഷിബു തെക്കുംപുറം ഉൾപ്പെടെയുള്ള നേതാക്കൾ പങ്കെടുക്കും.