ദേശീയപാതയിൽ ഇടപ്പള്ളി ടോളിന് സമീപം കണ്ടെയ്നർ ലോറിക്ക് തീപിടിച്ചു. രാത്രി 9 മണിയോടുകൂടിയാണ് തീപിടുത്തം ഉണ്ടായത്.ആലപ്പുഴയിൽ നിന്നും ലോഡ് ഇറക്കി കോയമ്പത്തൂർ ഭാഗത്തേക്ക് പോവുകയായിരുന്ന തമിഴ്നാട് രജിസ്ട്രേഷൻ ലോറിക്കാണ് തീ പിടിച്ചത്. ഇടപ്പള്ളി ടോളിലെത്തിയപ്പോൾ എൻജിൻ ഭാഗത്തുനിന്നും പുക ഉയർന്നത് കണ്ടു ഡ്രൈവർ പുറത്തിറങ്ങിയ ഉടൻ തീ കത്തുകയായിരുന്നു. ക്യാബിൻ ഭാഗം പൂർണമായും കത്തി നശിച്ചു.ഏലൂരിൽ നിന്നും തൃക്കാക്കരയിൽ നിന്നും എത്തിയ അഗ്നി രക്ഷാസേന സേന തീയണച്ചു. തീപിടുത്തത്തെ തുടർന്ന് പ്രദേശത്ത് ഗതാഗത കുരുക്കും ഉണ്ടായി.