കോഴിക്കോട് ഗവണ്‍മെന്റ് മെഡിക്കല്‍ കോളേജിലെ അത്യാഹിത വിഭാഗത്തില്‍ ഉണ്ടായ തീപിടുത്തത്തിനിടെ മൂന്നുപേര്‍ മരിച്ചത് പുക കാരണമല്ലെന്ന് പ്രാഥമിക പോസ്റ്റുമോര്‍ട്ടം റിപ്പോര്‍ട്ട്.ഗംഗാധരന്‍, ഗോപാലന്‍, സുരേന്ദ്രന്‍ എന്നിവരുടെ പോസ്റ്റുമോര്‍ട്ടം റിപ്പോര്‍ട്ടാണ് ഇപ്പോള്‍ പുറത്തുവന്നിരിക്കുന്നത്.കൂടുതല്‍ പരിശോധനയ്ക്കായി ഇവരുടെ ആന്തരികാവയവങ്ങള്‍ അയക്കുംകോഴിക്കോട് മെഡിക്കല്‍ കോളേജിലെ തീപിടുത്തം; മൂന്നു പേരുടെ മരണം പുക മൂലമല്ലെന്ന് പോസ്റ്റുമോര്‍ട്ടം റിപ്പോര്‍ട്ട്. മൂന്നുപേരും വിവിധ വ്യത്യസ്ത രോഗങ്ങള്‍ കാരണമായി മെഡിക്കല്‍ കോളേജില്‍ പ്രവേശിപ്പിക്കപ്പെട്ടവരായിരുന്നു.ലിവര്‍ സിറോസിസ്, ക്യാന്‍സര്‍, ന്യൂമോണിയ എന്നീ രോഗങ്ങള്‍ക്ക് മെഡിക്കല്‍ കോളേജില്‍ പ്രവേശിപ്പിക്കപ്പെട്ടവരായിരുന്നു ഇവര്‍. തൂങ്ങി മരിക്കാന്‍ ശ്രമിച്ചതിനെ തുടര്‍ന്ന് പ്രവേശിപ്പിക്കപ്പെട്ട ഒരാളുടെയും വിഷം കഴിച്ചതിനെ തുടര്‍ന്ന് ചികിത്സയിലായിരുന്ന ഒരാളുടെയും പോസ്റ്റുമോര്‍ട്ടം റിപ്പോര്‍ട്ട് പുറത്തുവരാന്‍ ഉണ്ട്.പുക ശ്വസിച്ചതും വെന്റിലേറ്റര്‍ നീക്കം ചെയ്തതും ആണ് മരണകാരണമെന്ന് മരിച്ചവരുടെ ബന്ധുക്കള്‍ ആരോപിച്ചിരുന്നു. ഇതിനെ തുടര്‍ന്നാണ് പോസ്റ്റ്‌മോര്‍ട്ടം നടത്തിയത്. ഇതില്‍ രണ്ടു മരണങ്ങളില്‍ അസ്വാഭാവിക മരണത്തിന് പൊലിസ് കേസെടുത്തിരുന്നു.സംഭവത്തില്‍ വിദഗ്ധ സമിതിയെ നിയോഗിച്ച് വിശദമായ പഠനം നടത്തുമെന്ന് ആരോഗ്യവകുപ്പ് അറിയിച്ചു.