തിരക്കിട്ട് സ്കൂളിലേക്കോ കോളേജിലേക്കോ ഓഫീസിലേക്കോ പോകാന്‍ ഒരുങ്ങുമ്പോഴായിരിക്കും ചീപ്പു നിറച്ചും മുടി കാണുന്നത്.
അപ്പോള്‍ തോന്നുന്നത് അത്ഭുതമായിരിക്കില്ല.
മറിച്ച് സങ്കടമായിരിക്കും.
എന്‍റെ ഇത്രയും മുടി കൊഴിയുന്നോ എന്ന സങ്കടം.
ഇത് ഒരാളുടെ മാത്രം പ്രശ്നമല്ല.
പ്രായഭേദമെന്യേ എല്ലാ സ്ത്രീകളുടെയും ഒരു പ്രശ്നമാണ് ഈ മുടികൊഴിച്ചില്‍.
നീണ്ടുനിവര്‍ന്നു താഴെ മുട്ടിക്കിടക്കുന്ന മുടി സ്വപ്നംകാണാത്തവരായി ആരാണുള്ളത്?
മുടി നന്നായി സംരക്ഷിക്കേണ്ട ഒന്നാണ്.
പക്ഷേ, മുടിയുടെ സ്വഭാവം അറിഞ്ഞു വേണം അതിനു വേണ്ട പരിചരണം നല്‍കേണ്ടത്.
പോഷകാഹാരക്കുറവു വന്നാല്‍ മുടി കൊഴിഞ്ഞുപോകാനിടയാകും.
അതുപോലെ വെള്ളം ആവശ്യത്തിനു കുടിച്ചില്ലെങ്കിലും മുടി കൊഴിയും.
മാനസികസമ്മര്‍ദ്ദംമൂലവും മുടി കൊഴിയാനിടയുണ്ട്.
പോഷകാഹാരക്കുറവു വന്നാല്‍ മുടി കൊഴിഞ്ഞുപോകാനിടയാകും.
അതുപോലെ വെള്ളം വൃത്തിയായി സൂക്ഷിക്കുക എന്നതാണ് മുടിയുടെ ആരോഗ്യത്തിന് അടിസ്ഥാനം.
മുടിക്ക് വേണ്ട കാത്സ്യം കുറയുമ്പോള്‍ പല പ്രശ്നങ്ങളും ആരംഭിച്ചുതുടങ്ങും.
കാലാവസ്ഥയിലെ വ്യതിയാനങ്ങളും ശാരീരികമായ മാറ്റങ്ങളും ക്ലോറിന്‍വെള്ളത്തിലുള്ള കുളിയും മുടിയുടെ ആരോഗ്യത്തെ ബാധിക്കും.
ആരോഗ്യമുള്ള ശരീരത്തില്‍ മുടിക്ക് കേടുവരാന്‍ സാധ്യതയില്ലെന്നാണ് ആയുര്‍വ്വേദം പറയുന്നത്.
നല്ല ഭക്ഷണം കഴിച്ചാല്‍ മാത്രമേ മുടിക്ക് കൂടുതല്‍ ബലവും തിളക്കവും ഉണ്ടാകൂ.
പ്രോട്ടീനും വിറ്റാമിനും ധാരാളം അടങ്ങിയ ഭക്ഷണം സ്ഥിരമായി കഴിക്കണം.
പാല്‍, പാലുല്പന്നങ്ങള്‍, മുളപ്പിച്ച പയര്‍വര്‍ഗ്ഗങ്ങള്‍, സാലഡ് എന്നിവ ധാരാളമായി കഴിക്കണം.
കൂട്ടത്തില്‍ വെള്ളം അധികമായി കുടിക്കുന്നതും പ്രയോജനം ചെയ്യും.
ഇതിലെല്ലാമുപരി മുടിയില്‍ കെമിക്കലുകള്‍ ഉപയോഗിക്കാതിരിക്കുവാന്‍ ശ്രദ്ധിക്കണം.