ദേവസ്വംബോർഡ് പ്രസിഡൻ്റ് സ്ഥാനം രാജിവെക്കുമെന്ന പ്രചാരണങ്ങൾ തള്ളി കെ. ജയകുമാർ. മാധ്യമങ്ങൾ പറയുന്നതുപോലെ താൻ രാജി വെക്കില്ലെന്നും, ബോർഡ് പ്രസിഡൻ്റായി 2027 നവംബർ വരെയാണ് തൻ്റെ കാലാവധിയെന്നും അദ്ദേഹം വ്യക്തമാക്കി. ഈ കാലാവധി പൂർണ്ണമായി പൂർത്തിയാക്കുമെന്നും അദ്ദേഹം കൂട്ടിച്ചേർത്തു.മണ്ഡലകാലം ആരംഭിക്കാൻ രണ്ടര മാസം മാത്രം ബാക്കിനിൽക്കെ, അതൊരു യുദ്ധമുഖം പോലെയാണ് തങ്ങൾ നേരിട്ടുകൊണ്ടിരിക്കുന്നതെന്ന് കെ. ജയകുമാർ പറഞ്ഞു. ഈ നിർണ്ണായക ഘട്ടത്തിൽ ബോർഡിൻ്റെ പ്രവർത്തനങ്ങൾക്ക് നേതൃത്വം നൽകേണ്ടതുണ്ട്. അതിനാൽ രാജിവാർത്തകളിൽ യാതൊരുവിധ സത്യവുമില്ലെന്നും അദ്ദേഹം വ്യക്തമാക്കുന്നു.