കെ ആർ മീരക്കെതിരായ വിമർശനം ആവർത്തിച്ച് സാഹിത്യകാരൻ ബെന്യാമിൻ. എല്ലാവരും വിമർശനങ്ങൾ ഉന്നയിക്കുന്നത് ഏതെങ്കിലും അപ്പക്കഷ്ണങ്ങൾക്ക് വേണ്ടിയാണെന്ന തെറ്റിദ്ധാരണയാകാം കെ ആർ മീരയ്ക്കെന്ന് ബെന്യാമിൻ വിമർശിച്ചു.ഹിന്ദുമഹാസഭ പോലുള്ള ഒരു ഫാസിസ്റ്റ് സംഘടനയെ കോൺഗ്രസുമായി ഉപമിച്ചതിനാണ് വിമർശനം. കോൺഗ്രസിനെതിരെ ഗാന്ധി മൂല്യങ്ങൾ തമസ്കരിക്കുന്നു എന്ന വിമർശനം വളരെ കാലമായി ഞങ്ങളെല്ലാം ഉയർത്തുന്നതാണ്. പക്ഷേ കോൺഗ്രസിനെ ഹിന്ദുമഹാസഭ എന്ന സംഘടനയുമായി ഉപമിക്കുന്നത് തെറ്റായ കാര്യമാണ്. തനിക്ക് ഒരു പാർലമെൻററി വ്യാമോഹവും ഇല്ലെന്ന് ബെന്യാമിൻ വ്യക്തമാക്കി.