ഇന്ന് തിരഞ്ഞെടുപ്പ് ചൂടിൽ ആളിക്കത്തുകയാണ് കേരളം.
ഈ പ്രാവശ്യത്തെ ലോക്സഭ ഇലക്ഷനിൽ ആരൊക്കെ വിജയിക്കും എന്ന് ഇന്ന് ജനങ്ങൾ വിധിയെഴുതാൻ പോകുകയാണ്.
വളരെ അധികം ആത്മവിശ്വാസത്തിലാണ് മുന്നണികൾ ഒന്നടങ്കം.
ചൂടിനെപ്പോലും മാറ്റി നിർത്തിയാണ് ആളുകൾ വോട്ടിനായി എത്തുന്നത്.
എന്നാൽ, ഇടതുപക്ഷ ജനാധിപത്യ മുന്നണി 20 മണ്ഡലങ്ങളിലും വിജയിക്കുമെന്ന പ്രതീക്ഷയിലാണ് ഉള്ളതെന്ന് ഉടുമ്പൻചോല എം എൽ എ എം എം മണി പറഞ്ഞു.
ഇടതുപക്ഷജനാധിപത്യ മുന്നണി സംസ്ഥാനത്തെ 20 മണ്ഡലങ്ങളിലും വിജയിക്കുമെന്ന് ഇരുപതേക്കർ സെർവിന്ത്യാ എൽ പി സ്കൂളിലെ ബൂത്തിൽ വോട്ട് രേഖപ്പെടുത്തിയ ശേഷം മാധ്യമങ്ങളോ‌ട് സംസാരിക്കവെയാണ് പറഞ്ഞത്.