ചർമ്മ സംരക്ഷണത്തിൽ ഏറ്റവും അധികം ബോധം ഉള്ളവരാണ് നമ്മൾ അല്ലേ?.
എന്നാൽ, ഇത് എങ്ങനെ ചെയ്യണം എളുപ്പത്തിൽ എങ്ങനെ ചെയ്യണം എന്ന് പലർക്കും അറിയില്ലെന്നതാണ് സത്യം.
തിളക്കമുള്ളതും തെളിഞ്ഞതുമായ ചർമ്മം നൽകുന്നതിനുള്ള ഏറ്റവും ഫലപ്രദമായ പ്രതിവിധികളിൽ ഒന്നാണ് ഓട്സ് ഫേസ് മാസ്ക്.
ഓട്സിൽ ആൻ്റിഓക്സിഡൻ്റും ആൻറി-ഇൻഫ്ലമേറ്ററി ഗുണങ്ങളുമുണ്ട്. കൂടാതെ ചൊറിച്ചിൽ, അറ്റോപിക് ഡെർമറ്റൈറ്റിസ്, മുഖക്കുരു, വൈറൽ അണുബാധകൾ എന്നിവയുൾപ്പെടെയുള്ള പല ചർമ്മരോഗങ്ങൾക്കും ഇത് ചികിത്സിക്കാൻ കഴിയും.
മൂന്ന് ബദാം പൊടിച്ച് അതിലേക്ക് രണ്ട് ടേബിൾസ്പൂൺ പാൽ ചേർക്കുക. ഇതിലേക്ക് 1 ടേബിൾ സ്പൂൺ ഓട്സ് പൊടിച്ചത് കൂടി ചേർത്ത് നന്നായി മിക്സ് ചെയ്യുക.
ശേഷം ഈ പാക്ക് മുഖത്തും കഴുത്തിലുമായി പുരട്ടുക. 10-15 മിനിറ്റ് കാത്തിരിക്കാം. ശേഷം തണുത്ത വെള്ളം ഉപയോഗിച്ച് കഴുകുക.
മുഖത്തെ കറുത്തപാടുകൾ മാറാൻ മികച്ചതാണ് ഈ പാക്ക്. എന്താണ് എങ്കിലും മുഖം മിനുങ്ങാൻ ഇത് പരീക്ഷിച്ചോളൂ…