പന്തീരാങ്കാവ് ഗാര്ഹിക പീഡനക്കേസിലെ പ്രതി രാഹുലിന്റെ അമ്മയുടെയും സഹോദരിയുടെയും മുന്കൂര് ജാമ്യാപേക്ഷ കോഴിക്കോട് ജില്ലാ സെഷൻസ് കോടതി ഇന്ന് പരിഗണിക്കും.
യുവതിയെ അതിക്രമിച്ചതില് പങ്കില്ലെന്ന് കാണിച്ചാണ് രാഹുലിന്റെ അമ്മയും സഹോദരിയും മുന്കൂര് ജാമ്യാപേക്ഷ നല്കിയത്.
സ്ത്രീധനം ആവശ്യപ്പെട്ട് പെൺകുട്ടിയെ നിരന്തരം പീഡനത്തിനിരയാക്കി എന്നാണ് ഇവർക്കെതിരെ പൊലിസ് ചുമത്തിയ കേസ്.
സെക്ഷൻ 448എ, 324 എന്നീ വകുപ്പുകളാണ് ചേർത്തിട്ടുള്ളത്.
അതേസമയം, പന്തീരങ്കാവ് പൊലിസ് ഫോണില് നിരന്തരം വിളിച്ച് കേസില് അറസ്റ്റ് ചെയ്യപ്പെടുമെന്ന് പറയുന്നുവെന്നും അറസ്റ്റ് ചെയ്യാന് പോലീസ് തിടുക്കം കാണിക്കുന്നത് മാധ്യമങ്ങളെ തൃപ്തിപ്പെടുത്താനാണെന്നും മുന്കൂര് ജാമ്യാപേക്ഷയില് പറയുന്നുണ്ട്.
ഗാര്ഹിക പീഡനക്കേസില് രാഹുലിന്റെ അമ്മ, സഹോദരി എന്നിവര്ക്ക് പൊലിസ് നേരത്തെ നോട്ടീസ് നല്കിയിരുന്നു.
മര്ദ്ദനത്തിന് രാഹുലിനെ പ്രേരിപ്പിച്ചത് അമ്മയാണെന്ന് യുവതി ആരോപിച്ചിരുന്നു.