സ്ത്രീകള്ക്കും ദളിതര്ക്കും സിനിമ നിര്മിക്കാന് സര്ക്കാര് പണം നല്കുമ്ബോള് അവര്ക്ക് മൂന്ന് മാസത്തെ സിനിമാ പരിശീലനം കൂടി നല്കണമെന്ന് അടൂര് സിനിമാ കോണ്ക്ലേവ് വേദിയില് പറഞ്ഞു. സ്ത്രീകളായതുകൊണ്ട് മാത്രം പണം നല്കരുത്. വെറുതെ പൈസ കൊടുക്കുന്നത് ഒരു രീതിയിലുമുള്ള പ്രോത്സാഹനമല്ല. മൂന്ന് മാസത്തെ ആഴത്തിലുള്ള പരിശീലനം നല്കിയിട്ട് മാത്രമേ അവര്ക്ക് സിനിമ നിര്മിക്കാന് അവസരം നല്കാവൂ എന്നും ഇത് ജനങ്ങളുടെ നികുതി പണമാണെന്നുമായിരുന്നു അദ്ദേഹത്തിന്റെ വാക്കുകള്.അടൂരിന്റെ പരാമര്ശത്തിനെതിരെ സദസ്സില് നിന്ന് തന്നെ വിമര്ശനം ഉയര്ന്നു. എങ്കിലും അദ്ദേഹം പ്രസംഗം തുടരുകയായിരുന്നു. ഒന്നരക്കോടി രൂപയാണ് സിനിമ നിര്മിക്കാന് നല്കുന്നത്. ഈ തുക മൂന്ന് പേര്ക്കായി നല്കണം. സര്ക്കാര് നല്കുന്ന തുക വാണിജ്യ സിനിമ എടുക്കാനുളളതല്ല. വ്യക്തമായ പരിശീലനം ഇല്ലാതെ സിനിമ എടുത്താല് ആ പണം നഷ്ടമാകും-അടൂര് പറഞ്ഞു. സൂപ്പര് സ്റ്റാര് പടങ്ങള്ക്ക് പണം നല്കരുത്. എങ്ങനെയാണ് പണം നല്കുന്നത് എന്നത് ഉള്പ്പെടെയുള്ള കാര്യങ്ങള് ഫണ്ട് വാങ്ങിക്കുന്നവരെ മനസിലാക്കിക്കണം എന്നുള്പ്പെടെ സിനിമാ കോണ്ക്ലവില് അടൂര് ഗോപാലകൃഷ്ണന് പറഞ്ഞു.ദലിതുകളേയും സ്ത്രീകളേയും അപമാനിക്കുന്നതാണ് അടൂറിന്റെ പ്രസ്താവനയെന്ന ആരോപണവുമായി നിരവധി പേര് രംഗത്തുവന്നു.