ഏക മകൻ മരിച്ചതിന്റെ മനോവിഷമത്തിൽ ദമ്പതികൾ ജീവനൊടുക്കി.എറണാകുളം വൈപ്പിനിൽ ആയിരുന്നു സംഭവം.ഞാറയ്ക്കൽ സ്വദേശി സഞ്ജീവ് (75), ഭാര്യ സവിത (65) എന്നിവരാണ് മരിച്ചത്.ഏക മകൻ മരിച്ചതിന്റെ മനോവിഷമത്തിൽ ദമ്പതികൾ ജീവനൊടുക്കിയായിരുന്നു എന്നാണ് വിവരം.കഴിഞ്ഞ വർഷം ആണ് ഇവരുടെ മകൻ ഹൃദയാഘാതം മൂലം മരിച്ചത്.ഇതേതുടർന്ന് ഇരുവരും വലിയ മാനസിക ബുദ്ധിമുട്ടിലായിരുന്നു.മകൻ മരിച്ച കുറച്ചുനാൾ കഴിഞ്ഞ് ഇരുവരും ആത്മഹത്യയ്ക്ക് ശ്രമിക്കുകയും പരാജയപ്പെടുകയും ചെയ്തിരുന്നു.എന്നാൽ ഒരു വർഷത്തിനിപ്പുറം ഇന്നലെ വീണ്ടും ദമ്പതികൾ ആത്മഹത്യാശ്രമം നടത്തുകയും മരണം സംഭവിക്കുകയുമായിരുന്നു.ദമ്പതികൾക്ക് സാമ്പത്തിക പ്രതിസന്ധി അടക്കം മറ്റ് പ്രശ്നങ്ങൾ ഇല്ല എന്നാണ് പോലീസ് പറഞ്ഞത്.