മുഖ്യമന്ത്രി വി.ഡി. സതീശനെ പുകഴ്ത്തിയും പിണറായി വിജയനെതിരെ പ്രതിപക്ഷ ഉപനേതാവ് പദവിയുമായി ബന്ധപ്പെട്ട് രൂക്ഷ വിമർശനം നടത്തിയും സംസാരിച്ച മുതിർന്ന സിപിഐ നേതാവ് സി. ദിവാകരന് സിപിഐ തിരുവനന്തപുരം ജില്ലാ കമ്മിറ്റി കാരണം കാണിക്കൽ നോട്ടീസ് നൽകി.നൂറു ദിവസം കൊണ്ട് കേരളത്തിന്റെ താത്പര്യം സതീശന്റെ കയ്യിൽ ഭദ്രമാണെന്ന് തെളിയിച്ചുവെന്നും പാവപ്പെട്ടവർക്കും അടിച്ചമർത്തപ്പെട്ടവർക്കും വേണ്ടിയുള്ള അദ്ദേഹത്തിന്റെ പ്രവർത്തനങ്ങളോട് സഹകരിക്കാൻ കഴിയുമെന്നുമായിരുന്നു സി. ദിവാകരന്റെ പരാമർശം.കൂടാതെ, പ്രതിപക്ഷ ഉപനേതാവ് വിഷയത്തിൽ പിണറായി വിജയൻ കാര്യങ്ങളെ നിസാരവൽക്കരിച്ച് മറുപടി നൽകുകയാണെന്നും മറുപടി പറയേണ്ടത് സിപിഐഎമ്മാണെന്നും അദ്ദേഹം തുറന്നടിച്ചിരുന്നു. ഈ പ്രസ്താവനകളെ തുടർന്നാണ് പാർട്ടി അദ്ദേഹത്തിനെതിരെ നടപടിയുടെ ഭാഗമായി നോട്ടീസ് അയച്ചത്.