ജില്ലാകമ്മിറ്റി അംഗങ്ങളുടെയടക്കം സ്വത്തുവിവരങ്ങൾ അന്വേഷിക്കും, പാർട്ടിയ്ക്കുള്ളിലെ ജീർണത മാറ്റും: ആർ. നാസർ

തെറ്റായ രീതിയില്‍ ചില സഖാക്കള്‍ സ്വത്ത് സമ്പാദനം നടത്തിയെന്ന തരത്തില്‍ ആരോപണമുയരുന്നുണ്ടെന്നും അത് പരിശോധിക്കാന്‍ മൂന്ന് മാസത്തിനുളളില്‍ ജില്ലാ കമ്മിറ്റി അംഗങ്ങളുടെയും ഏരിയാ ഭാരവാഹികളുടെയും സ്വത്തുവിവരങ്ങള്‍ അന്വേഷിക്കുമെന്നും സിപിഎം ആലപ്പുഴ ജില്ലാ സെക്രട്ടറി ആര്‍. നാസര്‍.പാര്‍ട്ടിയ്ക്കുള്ളില്‍ സംഭവിച്ച ജീര്‍ണത കൊണ്ടാണ് ഇതൊക്കെ സംഭവിച്ചതെന്നും അതിന് മാറ്റം കൊണ്ടുവരുമെന്നും അദ്ദേഹം വ്യക്തമാക്കി.പ്രവർത്തകർ ജനങ്ങളോട് മാന്യമായി പെരുമാറണം. ജനകീയ പ്രശ്‌നങ്ങളില്‍ ഇടപെടണം. തെറ്റുകള്‍ തിരുത്തി മുന്നോട്ട് പോകണമെന്നും നാസര്‍ ആവശ്യപ്പെട്ടു. പാര്‍ട്ടി അംഗങ്ങള്‍ക്ക് ക്ലാസ് നല്‍കും. നിശ്ചയിക്കുന്ന പൂര്‍ണ സമയ പ്രവര്‍ത്തകര്‍ക്ക് ജീവിക്കാനുള്ള വരുമാനമൊരുക്കുമെന്നും അദ്ദേഹം കൂട്ടിച്ചേര്‍ത്തു.പാര്‍ട്ടിയില്‍ നിന്ന് വിട്ടുപോയ ചിലര്‍ എതിരാളികളുമായി മത്സരിച്ച് തെരഞ്ഞെടുപ്പില്‍ മത്സരിച്ചുവെന്നും ശേഷം പാര്‍ട്ടി പ്രവര്‍ത്തകരെ അക്രമിക്കുകയാണെന്നും ജി സുധാകരനെ ഉന്നംവെച്ച് ആര്‍. നാസര്‍ പറഞ്ഞു.ഇവര്‍ പാര്‍ട്ടിയില്‍ നിന്നപ്പോള്‍ ഒരു പാട് തെറ്റുചെയ്തു. അതിന്റെ ഭാഗമായാണല്ലോ അതിര്‍ പാളയത്തിലേക്ക് പോയത്. അങ്ങനെ ആരും പോകാന്‍ പാടില്ല. അവരെ തിരുത്താതെ പോയതുകൊണ്ടാണ് അവര്‍ പാര്‍ട്ടിവിട്ട് പാര്‍ട്ടിക്കെതിരായി മത്സരിച്ചതെന്നും അദ്ദേഹം പറഞ്ഞു.ജി സുധാകരന്‍ ബുദ്ധിമാനായ കമ്മ്യൂണിസ്റ്റാണ്. അവസരവാദ സമീപനം സ്വീകരിച്ചു. അതുകൊണ്ടാണ് പാര്‍ട്ടി അംഗത്വം പുതുക്കാത്തത്. അതുകൊണ്ട് പാര്‍ട്ടിക്ക് നടപടി എടുക്കാന്‍ പറ്റിയില്ല.തെരഞ്ഞെടുപ്പില്‍ മത്സരിക്കാനായി മെമ്പര്‍ഷിപ്പ് പുതുക്കുന്നില്ലെന്ന് പറഞ്ഞു.പാര്‍ലമെന്‌ററി വ്യാമോഹം മൂത്തു. സ്വതന്ത്രനൊക്കെയാണെന്നാണ് പറഞ്ഞത്. പക്ഷേ കോണ്‍ഗ്രസിന്‌റെയും ബിജെപിയുടെയും വോട്ട് പിടിച്ചുവെന്നും അദ്ദേഹം കൂട്ടിച്ചേര്‍ത്തു.

Leave a Reply

spot_img

Related articles

ശബരിമല മാസ്റ്റർ പ്ലാൻ നടപ്പാക്കുന്നതിലെ കാലതാമസം ഗൗരവമായി കാണും; നിയമസഭാ പരിസ്ഥിതി സമിതി

വർഷംതോറും കോടിക്കണക്കിനു ഭക്തർ വരുന്ന ശബരിമലയെ അതീവ ഗൗരവത്തോടും പ്രാധാന്യത്തോടുമാണ് സർക്കാർ കാണുന്നതെന്നും പാരിസ്ഥിതിക സംരക്ഷണത്തിന് ഊന്നൽ നൽകി വികസനം നടത്തുന്നതിനാവും ശബരിമലയിൽ പ്രഥമ...

പത്മജ വേണുഗോപാലിനോട് സമവായ നീക്കവുമായി ബിജെപി

പത്മജ വേണുഗോപാലിനോട് സമവായ നീക്കവുമായി ബിജെപി. കേന്ദ്ര നേതാക്കളുടെ നിര്‍ദേശപ്രകാരമാണ് സംസ്ഥാന നേതാക്കളുടെ നീക്കം. എന്നാല്‍, പത്മജാ വേണുഗോപാല്‍ പോകട്ടെ എന്ന നിലപാടിലാണ് ഭൂരിപക്ഷം...

വാടകക്കെട്ടിടത്തിൽ 26 കോടി രൂപയുടെ വ്യാജനോട്ടുകൾ പിടികൂടി

കൊടുങ്ങല്ലൂർ ശ്രീനാരായണപുരം കടൻ ബസാറിലെ വാടകക്കെട്ടിടത്തിൽ നിന്ന് 26 കോടി രൂപയുടെ വ്യാജനോട്ടുകൾ കണ്ടെത്തി. 500 രൂപയുടെ വ്യാജനോട്ടുകളാണ് കാർഡ്ബോർഡ് പെട്ടികളിലായി സൂക്ഷിച്ചിരുന്ന നിലയിൽ...

വൈക്കം മഹാദേവ ക്ഷേത്രത്തിലെ അഷ്ടമി ഉത്സവത്തിന് നാളെ കൊടിയേറും

ചരിത്രപ്രസിദ്ധമായ വൈക്കം മഹാദേവ ക്ഷേത്രത്തിലെ അഷ്ടമി ഉത്സവത്തിന് നാളെ കൊടിയേറും. തന്ത്രിമാരായ ഭദ്രകാളി മറ്റപ്പള്ളി നാരായണൻ നമ്പൂതിരി, കീഴക്കിനേടത്ത് മേക്കാട് മാധവൻ നമ്പൂതിരി എന്നിവരുടെ...