പാലക്കാട് കോട്ടോപ്പാടത്ത് പനിബാധിച്ച് 13കാരി മരിച്ചു. കോട്ടോപ്പാടം വേങ്ങ സ്വദേശി ശിവരഞ്ജിനിയാണ് മരിച്ചത്.കല്ലടി സ്‌കൂളിലെ ഒമ്പതാം ക്ലാസ് വിദ്യാർഥിനിയാണ്.ഇന്നലെ രാത്രിയായിരിക്കുന്നു അന്ത്യം.ഇന്നലെ രാത്രി എട്ടു മണിയോടെ പനി കുറവില്ലാത്തതിനാൽ മണ്ണാർക്കാട് താലൂക്ക് ആശുപത്രിയിലെത്തി ഡോക്ടറെ കാണിച്ച് മരുന്ന് വാങ്ങിയിരുന്നു.ദിവസങ്ങളായി കുട്ടിക്ക് കടുത്ത പനിയായിരുന്നു.രാത്രി പതിനൊന്നു മണിയോടെ വീണ്ടും അസ്വസ്‌തത കാണിക്കുകയും കുട്ടിയുടെ ബോധം നഷ്‌ടപ്പെടുകയും ചെയ്തു.ഉടനെ തന്നെ ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു.സംഭവത്തിൽ തുടർ നടപടികൾ സ്വീകരിച്ച് വരികയാണ്.അതേസമയം ദിവസേന ആയിരക്കണക്കിന് ആളുകളാണ് സംസ്ഥാനത്ത് പനി ബാധിച്ച് ചികിത്സ തേടുന്നത് (കഴിഞ്ഞ ദിവസങ്ങളിൽ മാത്രം 8,300-ൽ അധികം പേർ).ഡെങ്കിപ്പനി, എലിപ്പനി, ഇൻഫ്ലുവൻസ, അഞ്ചാം പനി എന്നിവ വർധിച്ചുവരുന്നു.പല സർക്കാർ ആശുപത്രികളിലും മരുന്ന് ക്ഷാമം അനുഭവപ്പെടുന്നുണ്ടെങ്കിലും, പാലക്കാട് പോലുള്ള ചില ജില്ലകളിൽ ജില്ലാ പഞ്ചായത്ത് നേരിട്ട് ഫണ്ട് ചെലവഴിച്ച് മരുന്നുകൾ എത്തിക്കുന്നുണ്ട്.അതേസമയം ചെറിയ പനി പോലും അവഗണിക്കരുതെന്ന് ആരോഗ്യവകുപ്പ് നിർദ്ദേശിക്കുന്നു.വേഗം തന്നെ ചികിത്സ ഉറപ്പാകേണ്ടതാണ്.