വരുന്ന തെരഞ്ഞെടുപ്പ് UDF നെ ശക്തിപ്പെടുത്തുന്നതിനുള്ള പരിപാടികളുമായി മുന്നോട്ടു പോകാൻ തീരുമാനിച്ചുവെന്ന് കെപിസിസി അധ്യക്ഷന് സണ്ണി ജോസഫ്. സംഘടനയെ ശക്തിപ്പെടുത്തി മുന്നോട്ടു പോകാനുള്ള നിർദ്ദേശങ്ങൾ ലഭിച്ചു. സുധാകരൻ പങ്കെടുക്കാത്തത് വ്യക്തിപരമായ അസൗകര്യങ്ങളെ തുടർന്ന്.പുനസംഘടനയുമായി ബന്ധപ്പെട്ട കാര്യങ്ങള് പാര്ട്ടി തലത്തില് ആലോചിക്കുമെന്നും സണ്ണി ജോസഫ് പറഞ്ഞു. ഹൈക്കമാന്ഡ് വിളിച്ച യോഗത്തില് പങ്കെടുത്തതിനു ശേഷം മാധ്യമങ്ങളോട് പ്രതികരിക്കുകയായിരുന്നു അദ്ദേഹം.രാഹുല് ഗാന്ധിയുള്പ്പെടെയുളള നേതാക്കളുടെ നിര്ദേശങ്ങള് സ്വീകരിച്ചുവെന്നും സംഘടനയെ ശക്തിപ്പെടുത്താനായിരുന്നു നിര്ദേശമെന്നും അദ്ദേഹം പറഞ്ഞു. ഹൈക്കമാന്ഡ് യോഗത്തില് പങ്കെടുക്കാനാന് അസൗകര്യമുണ്ടെന്ന് കെ സുധാകരന് നേരത്തെ അറിയിച്ചിരുന്നെന്നും സണ്ണി ജോസഫ് കൂട്ടിച്ചേര്ത്തു.