കനത്ത മഴയെ തുടർന്ന് കോട്ടയം വിജയപുരം വടവാതൂർ മോസ്കോ ബണ്ട് റോഡിൽ വെള്ളം കയറി.വടവാതൂരിലെ കടത്തുകടവ് മുതൽ മോസ്ക്കോ വരെയുള്ള പ്രദേശത്തെ വിവിധ ഭാഗങ്ങളിലാണ് റോഡിൽ വെള്ളം കയറിയത്.പാടശേഖരങ്ങളോട് ചേർന്നുള്ള റോഡായതിനാൽ പാടത്തെ വെള്ളം കുറയാതെ റോഡിലെ വെള്ളം ഇറങ്ങില്ല എന്ന പ്രതിസന്ധിയുമുണ്ട്.ഇരുചക്ര വാഹനങ്ങൾക്കാണ് വെള്ളം കയറിയതോടെ യാത്രാ തടസം വലിയ നേരിടുന്നത്.കോട്ടയം ജില്ലയിലെ ഗ്രാമീണ ടൂറിസം മേഖല എന്ന നിലയിൽ ഒട്ടേറെ പേർ ഒഴിവുനേരം ചെലവിടാനും വടവാതൂർ ബണ്ട് റോഡിൻ്റെ സൗന്ദര്യ കാഴ്ചകൾ തേടി എത്താറുള്ള പ്രദേശവുമാണ് ഇത്.റോഡിൻ്റെ സമീപവാസികളും വെളളപ്പൊക്ക ഭീഷണി നേരിടുന്നുണ്ട്.