ഐ.എ.എസ്. തലപ്പത്ത് വീണ്ടും അഴിച്ചുപണി; ഡോ. ബി. അശോകിന് പൊതുഭരണ വകുപ്പിന്റെ അധികച്ചുമതല

സംസ്ഥാനത്ത് ഐ.എ.എസ്. തലപ്പത്ത് വീണ്ടും അഴിച്ചുപണി. ഉന്നത ഉദ്യോഗസ്ഥർക്ക് പുതിയ അധികച്ചുമതലകൾ നൽകി സർക്കാർ ഉത്തരവിറക്കി.ഉന്നത വിദ്യാഭ്യാസ വകുപ്പ് പ്രിൻസിപ്പൽ സെക്രട്ടറിയായ ഡോ. ബി. അശോകിന് പൊതുഭരണ, ഉദ്യോഗസ്ഥ ഭരണപരിഷ്കാര വകുപ്പുകളുടെ അധികച്ചുമതല നൽകി. കായിക-യുവജനക്ഷേമ വകുപ്പ് സ്പെഷ്യൽ സെക്രട്ടറിയായ എൻ. പ്രശാന്തിന് നികുതി വകുപ്പ് സ്പെഷ്യൽ സെക്രട്ടറിയുടെ അധിക ചുമതലയും നൽകിയിട്ടുണ്ട്.ഇതിനുപുറമെ, ധനവകുപ്പ് (റിസോഴ്സ്) സെക്രട്ടറി പാട്ടീൽ അജിത് ഭാഗവത് റാവുവിനെ കിഫ്ബി (KIIFB) പുതിയ ചീഫ് എക്സിക്യൂട്ടീവ് ഓഫീസറായി (CEO) നിയമിച്ചിട്ടുണ്ട്. ആരോഗ്യ വകുപ്പ് ഡയറക്ടറായി ഡോ. വി. മീനാക്ഷിയെയും സര്‍ക്കാര്‍ നിയമിച്ചിട്ടുണ്ട്.