ബിജെപി വിട്ട കെ എ ബാഹുലേയനെ ഒപ്പം കൂട്ടാൻ സിപിഎം.കെ എ ബാഹുലേയനുമായി സിപിഐഎം സംസ്ഥാന സെക്രട്ടറി എം വി ഗോവിന്ദൻ കൂടിക്കാഴ്ച നടത്തും.
ഉച്ചയ്ക്ക് ശേഷം 4 മണിക്ക് എകെജി സെൻ്ററിലാണ് കൂടിക്കാഴ്ച. ഗുരുദേവ ദർശനങ്ങളെ സംരക്ഷിക്കുമെന്ന ഉറപ്പ് സിപിഐഎമ്മിൽ നിന്ന് ലഭിച്ചാൽ സഹകരിക്കുമെന്ന് കെ എ ബാഹുലേയൻ പറഞ്ഞു. സിപിഐഎം നേതാക്കളുമായി ബാഹുലേയൻ വിവിധതല ചർച്ചകൾ നേരത്തെ നടന്നിരുന്നു. ചതയ ദിനാഘോഷം സംഘടിപ്പിക്കാൻ ബിജെപി ഒബിസി മോർച്ചയെ ഏൽപ്പിച്ചതിൽ പ്രതിഷേധിച്ചാണ് എസ്എൻഡിപി അസിസ്റ്റന്റ്റ് സെക്രട്ടറി കൂടിയായ കെ എ ബാഹുലയൻ ബിജെപി വിട്ടത്. പാർട്ടിയിലെ ഈഴവ വിഭാഗത്തെ ഇത് സ്വാധീനിക്കുമെന്ന് കണ്ട് ബിജെപി അനുനയയനീക്കം നടത്തിയെങ്കിലും കെ എ ബാഹുലേയൻ തീരുമാനത്തിൽ ഉറച്ചു നിൽക്കുകയായിരുന്നു.
