ഡയമണ്ട് ലീഗ് ലൂസെയ്ന്‍ പോരാട്ടത്തിനായി ലോക അത്‌ലറ്റിക്‌സ് ചാമ്ബ്യന്‍ഷിപ്പ് സ്വര്‍ണ ജേതാവായ നീരജ് ചോപ്ര ഇന്നിറങ്ങും.
രാത്രി 12.20 മുതലാണ് മത്സരം. താരത്തിനൊപ്പം ജാവലിന്‍ ത്രോയിലെ വമ്പന്മാരെല്ലാം കളത്തിലിറങ്ങുന്നുണ്ട്. അതേസമയം പാരീസ് ഒളിംപിക്‌സില്‍ നീരജിനെ മറികടന്ന് സ്വര്‍ണം എറിഞ്ഞിട്ട പാകിസ്ഥാന്‍ താരം അര്‍ഷാദ് നദീം ഇല്ല. നദീം ഇതേവരെ ഡയമണ്ട് ലീഗിൻ്റെ ഭാഗമായിട്ടില്ല.
ദിവസങ്ങള്‍ക്ക് മുന്‍പ് നീരജ് ലൂസെയ്ന്‍ ഡയമണ്ട് ലീഗില്‍ പങ്കെടുക്കുമെന്ന് വ്യക്തമാക്കിയിരുന്നു. സീസണിലെ ഏറ്റവും മികച്ച പ്രകടനത്തോടെ പാരീസ് ഒളിംപിക്‌സില്‍ വെള്ളി സ്വന്തമാക്കിയതിന് പിന്നാലെയുള്ള താരത്തിൻ്റെ ആദ്യ മത്സരമാണ് ഇന്നത്തേത്. ഒളിംപിക്‌സ് വെള്ളി സ്വന്തമാക്കിയ 89.45 മീറ്റര്‍ പ്രകടനമാണ് നീരജിൻ്റെ സീസണ്‍ ബെസ്റ്റ്. പരിക്ക് കാരണം നീരജ് സീസണില്‍ ദോഹ ഡയമണ്ട് ലീഗില്‍ മാത്രമാണ് മത്സരിച്ചത്. ഒളിംപിക്‌സിന് ആഴ്‌ച്ചകള്‍ക്ക് മുന്‍പ് നടന്ന പാരീസീ ഡയമണ്ട് ലീഗില്‍ നിന്നും പിന്‍മാറിയിരുന്നു