മൂന്നാറിലെ കെഎസ്ആർടിസി റോയൽ വ്യൂ ഡബിൾ ഡക്കർ ബസിന്റെ ചില്ല് തകർന്ന സംഭവത്തിൽ ഡ്രൈവർക്ക് സസ്പെൻഷൻ.ഡ്രൈവറുടെ അശ്രദ്ധ കാരണമാണ് ചില്ലു പൊട്ടിയതെന്ന കെഎസ്ആർടിസി വിജിലൻസ് തൊടുപുഴ വിഭാഗത്തിന്റെ കണ്ടെത്തലിനെ തുടർന്നാണ് നടപടി.ബസ്സ് ഓടിച്ച മൂന്നാർ ഡിപ്പോയിലെ രാജേഷ് എന്ന ഡ്രൈവറെയാണ് സസ്പെൻഡ് ചെയ്തത്. സംഭവത്തിൽ ഗതാഗത മന്ത്രിയുടെ ഓഫീസ് നേരിട്ട് റിപ്പോർട്ട് ആവശ്യപ്പെടുകയായിരുന്നു. അറ്റകുറ്റ പണികൾ പൂർത്തിയാക്കിയ ബസ് സർവീസ് പുനരാരംഭിച്ചു.