സി.എം.ആർ.എൽ.-എക്സാലോജിക് ദുരൂഹപണമിടപാടുമായി ബന്ധപ്പെട്ട കേസിൽ പ്രതിപക്ഷ നേതാവ് പിണറായി വിജയന്റെ മകൾ വീണയുടെ സ്വത്തുക്കൾ എൻഫോഴ്സ്മെന്റ് ഡയറക്ടറേറ്റ് (ഇ.ഡി.) കണ്ടുകെട്ടാൻ റിപ്പോർട്ട്. കേസന്വേഷണത്തിന്റെ ഭാഗമായി കുറ്റപത്രം സമർപ്പിക്കുന്നതിന് മുന്നോടിയായാണ് ഈ നടപടി. ഇതിന്റെ ഭാഗമായി ഇ.ഡി. ഓഫീസിൽ നടപടികൾ ആരംഭിച്ചിട്ടുണ്ട്. നേരത്തെ വീണ ഉൾപ്പെടെയുള്ള പ്രതികളുടെ 29.02 കോടി രൂപയുടെ സ്വത്തുക്കൾ മരവിപ്പിച്ചിരുന്നു. എക്സാലോജിക് സൊല്യൂഷൻസ് ഡയറക്ടറായ ടി. വീണയുടെ പേരിൽ ഫ്ലാറ്റും, കണ്ണൂരിലെ പിണറായി, പാതിരിയാട് വില്ലേജുകളിലായി 80 സെന്റ് സ്ഥലവും, വീണയുടെ വീടിനോട് ചേർന്നുള്ള സ്ഥലവും ഉള്ളതായി ഇ.ഡി. കണ്ടെത്തിയിട്ടുണ്ട്. ഈ സ്വത്തുക്കളുടെയെല്ലാം വിലയും മൂല്യവും നിർണ്ണയിച്ചു കഴിഞ്ഞു. കൂടാതെ, ഇ.ഡി. മരവിപ്പിച്ച സ്വത്തിൽ വീണ പങ്കാളിയായ ലെക്കർ ഇന്ത്യ കോർപ്പറേഷന്റെ 15.57 ലക്ഷവും എക്സാലോജിക്കിന്റെ 27,585 രൂപയും സി.എം.ആർ.എൽ. സ്ഥാപക എം.ഡി. ശശിധരൻ കർത്തായുടെ 11.70 കോടിയും ഉൾപ്പെടുന്നു. ഈ സ്വത്തുക്കൾ കണ്ടുകെട്ടുന്നതിനായി ഇ.ഡി. ഉന്നതരുടെ അനുമതിക്കായി അതിവേഗത്തിലാണ് ഫയൽ നീക്കങ്ങൾ നടത്തുന്നത് എന്ന് പ്രമുഖ ദിനപത്രം റിപ്പോർട്ട് ചെയ്തു.