യുഡിഎഫ് സർക്കാരിന്റെ പുതിയ മദ്യനയം ഉടൻ തന്നെ പ്രാബല്യത്തിൽ വന്നേക്കും.ഈ ആഴ്ച തന്നെ നിർദേശങ്ങൾ മുഖ്യമന്ത്രി വിഡി സതീശന്റെ മുന്നിലെത്തും.പുതിയ മദ്യനയം വരുന്നതോടെ ബെവ്കോ ഔട്ട്ലെറ്റുകൾക്ക് അടിമുടി പുതിയ മാറ്റവുമുണ്ടാകും.എണ്ണത്തിലല്ല മറിച്ച് ഔട്ട്ലെറ്റുകളുടെ രൂപഘടനയിലാകും കാര്യമായ മാറ്റങ്ങൾ കൊണ്ടുവരിക.സെൽഫ് ഹെൽപ് ഔട്ട്ലെറ്റുകൾക്ക് പ്രാധാന്യം നൽകും.എന്നാൽ ബെവ്കോ ഔട്ട്ലെറ്റുകളുടെ എണ്ണം കൂട്ടില്ല.ഔട്ട്ലറ്റുകളുടേയും വേർഹൗസുകളുടേയും നടത്തിപ്പ് ആവശ്യമെങ്കിൽ സഹകരണ സംഘങ്ങൾക്ക് ലഭ്യമാക്കും.ചില്ലറ വിൽപ്പനയിലും സഹകരണ സംഘങ്ങൾക്ക് പങ്കാളിത്തം ഉണ്ടാകാനാണ് സാധ്യത.കള്ളചെത്ത് മേഖലയിൽ സമഗ്ര പരിഷ്കരണം വരും.അതേസമയം, വീര്യം കുറഞ്ഞ മദ്യത്തിൽ നയപരമായ നിലപാട് എടുക്കുക യുഡിഎഫ് ഉപസമിതിക്ക് ശേഷമായിരിക്കുമെന്നാണ് വിവരം.അതേസമയം, പുതിയ മദ്യനയം വരുന്നത് വരെയും ബാറുകൾക്ക് ലൈസൻസ് അനുവദിക്കരുതെന്നാണ് നികുതി വകുപ്പിന്റെ നിർദേശം.സർക്കാരിന്റെ നിർദേശം ലഭിക്കാതെ മദ്യം വിൽക്കാൻ ലൈസൻസ് അനിവാദിക്കാൻ പാടില്ലെന്ന് അഡീഷണൽ ചീഫ് സെക്രട്ടറിയാണ് കർശന നിർദേശം നൽകിയിരിക്കുന്നത്.

