അന്ത്യോഖ്യാ പാത്രിയാർക്കീസ് പരിശുദ്ധ ഇഗ്നാത്തിയോസ് അഫ്രേം ദ്വിതീയൻ ബാവ കേരളത്തിലെ സന്ദർശനം പൂർത്തിയാക്കി മടങ്ങി.മുളന്തുരുത്തി സുന്നഹദോസ് വാർഷികാഘോഷങ്ങളും വിശുദ്ധ മുറോൻ കൂദാശയും പൂർത്തിയാക്കിയാണ് ബാവ മടങ്ങിയത്.ആളുകളോട് ശാരീരികമായി പിരിയുന്നതിൽ ദുഃഖമുണ്ടെങ്കിലും പ്രാർത്ഥനയിലും ആത്മാവിലും എപ്പോഴും കൂടെയുണ്ടാകുമെന്ന് അദ്ദേഹം വ്യക്തമാക്കി.സംസ്ഥാന സർക്കാരും കേന്ദ്ര സർക്കാരും തന്റെ സന്ദർശനത്തിന് നൽകിയ പിന്തുണയ്ക്കും സൗകര്യങ്ങൾക്കും അദ്ദേഹം നന്ദി അറിയിച്ചു.സഭകളിൽ ശാശ്വത സമാധാനം ഉണ്ടാകാൻ പ്രാർത്ഥിക്കുന്നതായി ബാവ പറഞ്ഞു.സഭാ തർക്കത്തിൽ ചർച്ചകൾ ആവശ്യമാണ്.തുറന്ന മനസ്സോടെ ഒരുമിച്ചിരുന്നുള്ള ചർച്ചകൾ തുടരണം. സന്ദർശനം ഫലപ്രദമാണെന്നും ബാവ കൂട്ടിച്ചേർത്തു.

