തൃക്കാക്കര എംഎല്‍എ ഉമാ തോമസിൻ്റെ ആരോഗ്യ നിലയില്‍ പുരോഗതി.ഉമാ തോമസിൻ്റെ ശ്വാസകോശത്തിൻ്റെ നില മെച്ചപ്പെട്ടിട്ടുണ്ടെന്ന് ഡോക്ടർമാർ അറിയിച്ചു.അതേസമയം വെൻ്റിലേറ്റർ സഹായം തുടരാനാണ് തീരുമാനമെന്നും ഡോക്ടർമാർ അറിയിച്ചു. ഹാപ്പി ന്യൂ ഇയർ എന്ന് നേർത്ത ശബ്ദത്തില്‍ മക്കളോട് പറഞ്ഞുവെന്ന് ഡോക്ടർമാർ പറഞ്ഞു.”വേദനയുണ്ടെന്ന് എംഎല്‍ എ പറഞ്ഞു.വീഴ്ചയുടെ കാര്യം ഓർമ്മയില്ല.സ്വന്തമായി ശ്വാസം എടുക്കുന്നുണ്ട്.കൈ കാലുകള്‍ അനക്കുന്നുണ്ട്.ഒന്നു രണ്ടു ദിവസം കൂടി വെൻ്റിലേറ്റർ തുടരും.”-ഡോക്ടർമാർ പറഞ്ഞു.
അതിനിടെ കൊച്ചി കലൂരിലെ ഡാൻസ് പരിപാടിയിലെ പണം ഇടപാടില്‍ പൊലീസ് കേസെടുത്തു.പാലാരിവട്ടം പൊലീസാണ് കേസ് എടുത്തത്.ഭാരതീയ ന്യായ സംഹിതയിലെ 316 (2),318(4),3 (5) എന്നീ വകുപ്പുകള്‍ ചുമത്തിയാണ് കേസെടുത്തിരിക്കുന്നത്.മൃദംഗ വിഷൻ എംഡി നികോഷ് കുമാർ, സിഇഒ ഷെമീർ അബ്ദുള്‍ റഹിം, നടി ദിവ്യ ഉണ്ണിയുടെ സുഹൃത്ത് പൂർണ്ണിമ, നികോഷിൻ്റെ ഭാര്യ എന്നിവരാണ് കേസിലെ പ്രതികള്‍.