ആഭ്യന്തര വിപണിയിൽ ആർ.എസ്.എസ്. 4 ഗ്രേഡ് ഷീറ്റ് റബറിനുണ്ടായ കടുത്ത ക്ഷാമം:ഓപ്പൺ മാർക്കറ്റിൽ കിലോഗ്രാമിന് 300 രൂപ വരെ.കോട്ടയം, കൊച്ചി മാർക്കറ്റുകളിൽ ആർ.എസ്.എസ്. 4 ഗ്രേഡിന്റെ ഔദ്യോഗിക വില കിലോഗ്രാമിന് 296 രൂപയായി ഉയർന്നു. വിപണിയിൽ ആവശ്യത്തിന് റബർ ലഭ്യമല്ലാത്ത അവസ്ഥ തുടരുന്നതിനാൽ വരുന്ന ദിവസങ്ങളിലും വില ഇനിയും ഉയരുമെന്നാണ് മാർക്കറ്റ് വിദഗ്ധർ നൽകുന്ന സൂചന.പ്രതികൂല കാലാവസ്ഥ മൂലം ഉത്തരേന്ത്യയിൽ നിന്നുള്ള ഷീറ്റ് റബറിന്റെ വരവ് വൻതോതിൽ ഇടിച്ചതും, താങ്ങുവില 250 രൂപയായി ഉയർത്തിയതോടെ കർഷകർ മാർക്കറ്റിലേക്ക് ഉടനടി ഷീറ്റ് എത്തിക്കാൻ താൽപര്യം കാണിക്കാത്തതും ഈ വിലക്കയറ്റത്തിന് കാരണമായിട്ടുണ്ട്. കൂടാതെ, നല്ലൊരു വിഭാഗം കർഷകർ ഷീറ്റ് ഉൽപ്പാദിപ്പിക്കുന്നതിനു പകരം ലാറ്റക്സിലേക്ക് മാറിയതും ഷീറ്റിന്റെ ലഭ്യതയെ സാരമായി ബാധിച്ചതായി റബർ ഉൽപാടക സംഘങ്ങൾ പറയുന്നു. നിലവിൽ ഒരു വിഭാഗം ഇടനിലക്കാർ വഴിയാണ് അടിയന്തര സംഭരണം നടക്കുന്നത്.