ചവറയില് അപ്പൂപ്പന്റെ വീട്ടില് അവധിക്കാലം ആഘോഷിക്കാന് വന്ന വിദ്യാര്ഥി വീടിനു സമീപത്തെ ഓടയിലെ ഒഴുക്കില്പ്പെട്ട് മരിച്ചു. കൊട്ടാരക്കര പള്ളിക്കല് പാലവിളയില്വീട്ടില് അനീഷിന്റെയും രശ്മിയുടെയും നാലരവയസ്സുള്ള മകള് അക്ഷിക(കല്യാണി)യാണ് മരിച്ചത്. പള്ളിക്കല് എന്എസ്എസ് എല്പിഎസില് എല്കെജി പ്രവേശനം ലഭിച്ച അക്ഷിക, തിങ്കളാഴ്ച ആദ്യമായി സ്കൂളില് പോകാനിരിക്കെയാണ് ദുരന്തം.ചവറ പന്മന വടുതല തളിയാഴ്ചവീട്ടില് അപ്പൂപ്പന്റെയും അമ്മൂമ്മയുടെയും അടുത്ത് ഒന്നരമാസംമുന്പാണ് അക്ഷിക എത്തിയത്. ഞായറാഴ്ച വൈകീട്ട് വീടിനു സമീപത്തെ ഓടയുടെ സ്ലാബില്ക്കൂടി കൂട്ടുകാരുമൊത്ത് സൈക്കിള് ഉരുട്ടിവരുന്നതിനിടെയാണ് അപകടം.