പാലക്കാട് വട്ടകുന്നിൽ ബൈക്കിൽ വന്ന യുവതിയെയും യുവാവിനെയും സദാചാര പോലീസ് ചമഞ്ഞ് ചോദ്യം ചെയ്തു മർദിച്ച സംഭവത്തിൽ രണ്ടു പേർ അറസ്റ്റിൽ

വട്ടകുന്ന് സ്വദേശികളായ ശിവൻ(47), സംഗീത്(42) എന്നിവരാണ് അറസ്റ്റിലായത്. ഇന്നലെ രാത്രിയാണ് സംഭവം. പ്രദേശവാസിയായ യുവതിയെയും ബൈക്കിലെത്തിയ യുവാവിനെയുമാണ് മർദിച്ചതെന്ന് ചാലിശ്ശേരി പോലീസ് പറഞ്ഞു. തുടർന്ന് ഇവരുടെ പരാതിയിൽ കേസെടുത്ത പോലീസ് പ്രതികളെ അറസ്റ്റ് ചെയ്യുകയായിരുന്നു. ചാലിശ്ശേരി സി.ഐ ആർ. കുമാർ, എസ്.ഐമാരായ ശ്രീലാൽ, അരവിന്ദാക്ഷൻ, എസ്.സി.പി.ഒ രഞ്ജിത്ത്, സജിത്ത്, സി.പി.ഒമാരായ സജീഷ്, സജിതൻ എന്നിവരാണ് അന്വേഷണസംഘത്തിൽ ഉണ്ടായിരുന്നത്