വൈക്കത്ത് എയിംസ് എത്തുമോ? സാധ്യതപ്പട്ടികയിൽ വൈക്കവും കൊരട്ടിയും

സംസ്ഥാനത്ത് ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (എയിംസ്) സ്ഥാപിക്കുന്നതിനു കേന്ദ്രസർക്കാരിലേക്ക് സംസ്ഥാന സർക്കാർ സമർപ്പിച്ച സാധ്യതാ കേന്ദ്രങ്ങളുടെ അന്തിമപട്ടികയിൽ വൈക്കം വെള്ളൂരും തൃശൂർ കൊരട്ടിയും മാത്രമെന്ന് സൂചന. എയിംസ് സ്ഥാപിക്കുന്നതിനുള്ള വിശദ പദ്ധതി തയ്യാറാക്കി കേന്ദ്രസർക്കാരിന് സമർപ്പിക്കാൻ ജൂലൈയിൽ പ്രിൻസിപ്പൽ സെക്രട്ടറിക്ക് മന്ത്രി കെ.മുരളീധരൻ നിർദ്ദേശം നൽകിയിരുന്നു. തുടർന്ന് ഉൾപ്പെടുത്തിയ 9 നിർദ്ദേശങ്ങളിൽ 3 എണ്ണവും വെള്ളൂരിന് വേണ്ടിയായിരുന്നു. വെള്ളൂരിലെ കേരള പേപ്പർ പ്രോഡക്ട്സ് ലിമിറ്റഡിന്റെ (കെ.പി.പി.എൽ) സ്ഥലം ഉപയോഗപ്പെടുത്തണമെന്ന് ആവശ്യപ്പെട്ട് മന്ത്രി മോൻസ് ജോസഫ്, കെ. ഫ്രാൻസിസ് ജോർജ് എം.പി, കെ. ബിനീമോൻ എം.എൽ.എ തുടങ്ങിയവർ നിവേദനം നൽകുകയും വിവിധ യോഗങ്ങളിൽ ആവശ്യപ്പെടുകയും ചെയ്തിരുന്നു. വെള്ളൂരിന് പരിഗണന നൽകുമെന്ന് കേന്ദ്ര ആരോഗ്യ മന്ത്രി ജെ.പി. നഡ്ഡ കെ. ഫ്രാൻസിസ് ജോർജ് എം.പിക്ക് ഉറപ്പ് നൽകിയിരുന്നതായും കെ. ബിനീമോൻ എം.എൽ.എ പറഞ്ഞു. വെള്ളൂരിൽ കെ.പി.പി.എല്ലിനുള്ള 692 ഏക്കറിൽ 227.18 ഏക്കർ സ്ഥലം ഇപ്പോൾത്തന്നെ ലഭ്യമാണെന്നും, എയിംസിന് 200 ഏക്കർ സ്ഥലമാണ് വേണ്ടതെന്നുമാണ് വ്യക്തമാകുന്നത്. ആരെയും ഒഴിപ്പിക്കാതെ സ്ഥലം ഏറ്റെടുക്കാമെന്ന പ്രത്യേകതയും, റെയിൽ, റോഡ്, വ്യോമ ഗതാഗത സൗകര്യവും, കേരളത്തിന്റെ മധ്യഭാഗത്ത് സ്ഥിതി ചെയ്യുന്നതും വെള്ളൂരിന്റെ സാധ്യത വർദ്ധിപ്പിക്കുന്നതായി അന്തിമ പട്ടികയിൽ ഇടംനേടാൻ സഹായകമായി.

Leave a Reply

spot_img

Related articles

പത്മജ വേണുഗോപാലിനോട് സമവായ നീക്കവുമായി ബിജെപി

പത്മജ വേണുഗോപാലിനോട് സമവായ നീക്കവുമായി ബിജെപി. കേന്ദ്ര നേതാക്കളുടെ നിര്‍ദേശപ്രകാരമാണ് സംസ്ഥാന നേതാക്കളുടെ നീക്കം. എന്നാല്‍, പത്മജാ വേണുഗോപാല്‍ പോകട്ടെ എന്ന നിലപാടിലാണ് ഭൂരിപക്ഷം...

വാടകക്കെട്ടിടത്തിൽ 26 കോടി രൂപയുടെ വ്യാജനോട്ടുകൾ പിടികൂടി

കൊടുങ്ങല്ലൂർ ശ്രീനാരായണപുരം കടൻ ബസാറിലെ വാടകക്കെട്ടിടത്തിൽ നിന്ന് 26 കോടി രൂപയുടെ വ്യാജനോട്ടുകൾ കണ്ടെത്തി. 500 രൂപയുടെ വ്യാജനോട്ടുകളാണ് കാർഡ്ബോർഡ് പെട്ടികളിലായി സൂക്ഷിച്ചിരുന്ന നിലയിൽ...

വൈക്കം മഹാദേവ ക്ഷേത്രത്തിലെ അഷ്ടമി ഉത്സവത്തിന് നാളെ കൊടിയേറും

ചരിത്രപ്രസിദ്ധമായ വൈക്കം മഹാദേവ ക്ഷേത്രത്തിലെ അഷ്ടമി ഉത്സവത്തിന് നാളെ കൊടിയേറും. തന്ത്രിമാരായ ഭദ്രകാളി മറ്റപ്പള്ളി നാരായണൻ നമ്പൂതിരി, കീഴക്കിനേടത്ത് മേക്കാട് മാധവൻ നമ്പൂതിരി എന്നിവരുടെ...

അരിയിൽ ഷുക്കൂർ വധക്കേസിൽ ഇന്ന് നിർണായക വിധി

കേരള രാഷ്ട്രീയത്തിൽ ഏറെ വിവാദങ്ങൾക്കും ചർച്ചകൾക്കും വഴിവെച്ച അരിയിൽ ഷുക്കൂർ വധക്കേസിൽ ഇന്ന് വിധി പറയും. എറണാകുളത്തെ പ്രത്യേക സിബിഐ കോടതിയാണ് വിധി പ്രസ്താവിക്കുക....